El gazeti «Egemen» Astana qalasynyń 20 jyldyq mereıtoıy qarsańynda «Qazaqstan – sheteldik fotograftar kózimen» dep atalatyn jańa aıdardy bastady. Bul aıdarda Mádenıet jáne sport mınıstrligi uıymdastyrǵan halyqaralyq PHOTO fest.kz festıvaline qatysqan, Qazaqstannyń kórkem kelbetin, ulttyq salt-dástúrin, halqy men tabıǵatyn biregeı fotosýrettermen aıshyqtaǵan fotograftardy jurtshylyqpen tanystyrý maqsatynda olardyń mańdaıaldy jumystaryna basylym betinen oryn usynyp otyrmyz. Zamanaýı sıpatta, jańasha turpatta túsirilgen bul týyndylar oqyrman kóńilinen shyǵady degen oıdamyz.
Ismaıl Haıkır,Túrkııa
Qyzǵaldaq taqyrybyn 12 jyl boıy túsirip kele jatqan fotograf.
Alǵashqy túrli-tústi sýret kórmesin 1985 jyly ótkizgen.
2005 jyly Hasselblad jýrnalynyń túrli-tústi fotografııa nomınasııasynyń júldegeri. 2012 jyly «Eksperımentaldy zertteýler» memlekettik fotobaıqaýynyń júldegeri. Túrkııa memleketi premer-mınıstriniń keńsesinde fotograf, «Insıtı» jýrnalynda art-dırektor qyzmetterin atqarǵan.