Beıbitshilik jáne kelisim saraıynda dástúrli «Jastar Jalyny – 2018» shyǵarmashylyq jastar festıvaliniń jabylý saltanatyna arnalǵan gala-konserti ótti, dep habarlaıdy Astana qalasy ákimdiginiń resmı saıty.
Festıval Astana qalasy ákimdiginiń bastamasymen jyl saıyn dástúrli túrde ótkizilip keledi. Atalmysh shara bıylǵy jyly Astana qalasynyń Qoǵamdy damý isteri basqarmasynyń uıymdastyrýymen elimizdiń elordasy – Astana qalasynyń 20 jyldyq mereıtoıy aıasynda ótkizilip otyr.
Jyl saıyn shyǵarmashyl jastar arasynda jańa esimder men talanttardyń juldyzyn jaǵatyn «Jastar jalyny» festıvali osy jyldyń 23-29 sáýir aralyǵynda ótkizildi. Elordanyń joǵary oqý oryndarynyń eń talantty stýdentteri «Vokal», «Teatr», «Poezııa», «Halyq bıi», «Zamanaýı bı», «Jastar qýaty», «Júzden júırik», «Ulttyq aspaptar», «Medıa», «Foto» atalymdar boıynsha ózara baq synasty.
«Festıval jyl saıyn jastarǵa úlken sahnaǵa jol ashýda. Osy sharaǵa Astananmyzdaǵy 14 joǵary oqý ornynyń stýdentteri qatysqan festıvaldiń bıylǵy gran-prıi L.N.Gýmılev atyndaǵy Eýrazııa Ulttyq ýnıversıtetiniń stýdentterine buıyrdy», - dedi Qoǵamdyq damý isteri basqarmasynyń jastarmen jumys bóliminiń basshysy Baqytjan Júnisbekov.
Qazylar alqasy quramynda halyqaralyq konkýrstardyń laýreaty Ánel Marabaeva, sporttyq bıden olımpıada chempıony Aıdana Beglenova, QR-nyń mádenıet qaıratkeri Nurlan Bekenov jáne t. b. boldy.
Eýrazııa Ulttyq ýnıversıtetiniń stýdentteri birneshe «Vokal», «Teatr», «Halyq bıi», «Ulttyq aspaptar» atalymdary boıynsha úzdik dep tanyldy.
«Jastar qýaty» atalymy boıynsha S.Seıfýllın atyndaǵy Qazaq agrotehnıkalyq ýnıversıtetiniń stýdentteri jeńiske jetse, «Astana» medısına ýnıversıtetiniń komandasy «Medıa» atalymy boıynsha úzdik dep tanyldy. Al Eýrazııa gýmanıtarlyq ınstıtýtynyń qurama komandasy «Foto» atalymy boıynsha úzdik shyqty.
Festıvaldiń jabylý saltanatyna Astana qalasynyń basshylyǵy, Parlament jáne qalalalyq máslıhat depýtattary, óner jáne mádenıet qaıratkerleri, jastar uıymdarynyń kóshbasshylary, joǵary oqý oryndarynyń oqytýshylary qatysty.
Jeńimpaz komandalar jáne jumystary eń úzdik tanylǵan jastar baǵaly syılyqtarmen jáne alǵys hattarmen marapattaldy.