Taraz qalasyndaǵy «Olımpıada jetkinshekterin daıarlaý ortalyǵynyń» sport kesheninde Qazaqstan Respýblıkasy Prezıdentiniń júldesi úshin qazaq kúresinen «Qazaqstan Barysy» respýblıkalyq týrnırine Jambyl oblysynyń irikteý jarysy ótti.
Atalǵan jarysqa Taraz qalasy men oblys aýdandarynan barlyǵy 19 sportshy qatysyp, baq synady. Jarys qorytyndysy boıynsha absolıýttik salmaqta Taraz qalasynan birinshi oryndy Aıbol Aıtbek jeńip alsa, ekinshi oryndy Talas aýdanynan Aıdos Teńgebaev ıelendi. Sondaı-aq, úshinshi oryndy Jambyl aýdanynan Dáýlet Pahredınov pen Merki aýdanynan Ǵalymjan Qyryqbaev enshiledi.
Osy jyldyń shilde aıynda Astana qalasynda ótetin «Qazaqstan Barysy» respýblıkalyq týrnırine Aıbol Aıtbek pen Aıdos Teńgebaev qatysyp, Jambyl óńiriniń namysyn qorǵaıtyn bolady.
Hamıt ESAMAN, «Egemen Qazaqstan»