Londonda British Expertise International konsaltıngtik kompanııasynyń shtab-páterinde Ulybrıtanııadaǵy Qazaqstan Elshiliginiń qoldaýymen Qazaqstannyń ınvestısııalyq múmkindikterine arnalǵan semınar ótti.
«Kazakh Invest» UK jáne London Infrastructure brıtandyq kompanııasy uıymdastyrǵan semınar jumysyna Aggreco, Alaco, UK Export Finance, JP Morgan, Rothschild Capital Group, DMT Consulting, JCB, Worley Parsons, IPC, «EQQDB», Mobsby Associates, TVET UK, Advantix Ltd, CBRE, Ricardo Energy, SP Angel, Paramount Powders, Crown Agents, Cundall, John Wiley & Sons, Rattan Power, The D Group sekildi jetekshi brıtandyq jáne halyqaralyq korporasııalardyń basshylary, sondaı-aq Ulybrıtanııanyń memlekettik organdarynyń, saraptamalyq jáne akademııalyq ortalardyń ókilderi qatysty.
Kazakh Invest basqarma tóraǵasy Saparbek Tuıaqbaevtyń basshylyǵymen qazaqstandyq delegasııa quramyna «Qazsýshar» RMK, BI Group kompanııasynyń, Eurasia Gold Inc, «Qazaqstannyń damý banki» jáne t. b. uıymdardyń ókilderi kirdi.
S. Tuıaqbaev óziniń alǵy sózinde Qazaqstannyń ınvestısııalyq ahýaly men elimizde bıznes jobalardy iske asyrýdyń keleshegi týraly aıtyp berdi. Atap aıtqanda, shara qatysýshylaryna QR-da bıznes júrgizýdiń múmkindikteri, zańnamalyq qoldaý, sheteldik ınvestısııalardy tartýdyń básekeli artyqshylyqtary týraly tolyq aqparat berilip, Úkimet bekitken 50 asa basymdyqty ınvestısııalyq joba tanystyryldy. S. Tuıaqbaev brıtandyq bıznesmenderdi jobalardy Qazaqstanda iske asyrý úshin belsendirek qatysýǵa shaqyrdy.
О́z kezeginde, brıtandyq kompanııalar «Bir beldeý —bir jol» qytaı bastamasy aıasynda qazaqstan tarapy iske asyryp jatqan ınfraqurylymdyq jobalarǵa qyzyǵýshylyq tanytty. Brıtandyq bıznesmender aýyl sharýashylyǵy, taý-ken óndirisi ónerkásibi, mashına jasaý, JEK salasyndaǵy jobalarǵa erekshe qyzyǵýshylyq bildirdi. Eki el arasyndaǵy yntymaqtastyqtyń kezekti perspektıvaly salalary — AT, sıfrlyq ekonomıka, elektrondy úkimet, munaı hımııasy, óńdeý ónerkásibi, bilim berý, densaýlyq saqtaý jáne t. b. salalar.
UK Export Finance TMD jáne Azııa boıynsha óńirlik dırektory Vomık Nýr-Shahtyń aıtýynsha, «Qazaqstan men Ulybrıtanııa arasyndaǵy ekijaqty saýda yntymaqtastyǵynyń ósimi oń qarqynǵa ıe, Qazaqstanmen iske asyrylatyn jobalardy qarjylandyrý kólemi teńgemen qarjy alý múmkindigimen, £1,25 mlrd-tan £3 mlrd-qa deıin ulǵaıtyldy».
Ulybrıtanııadaǵy QR Elshisi Erlan Ydyrysov:
«Qazaqstan asa qolaıly ınvestısııalyq ahýaly bar, bıznes júrgizýge ashyq ári tartymdy elge aınalyp keledi. Elimizde Qazaqstanǵa keleshekte ınvestorlar úshin álemdegi asa qolaıly memleketterdiń birine aınalýǵa jol ashatyn aýqymdy ózgerister bolyp jatyr. Máselen, júıeli reformalardyń biri — "Astana" halyqaralyq qarjy ortalyǵy qyzmetiniń qurylymyna brıtandyq quqyq qaǵıdalaryn engizý jáne álemniń úzdik standarttaryna sáıkes bıznes júrgizý erejelerin bekitý», — dedi.
Ulybrıtanııa Premer-Mınıstriniń Qazaqstandaǵy Saýda ókili Baronessa Emma Nıkolson Ulybrıtanııa men Qazaqstannyń ınvestısııalyq jobalardy iske asyrýdaǵy, sonyń ishinde qarjylyq qyzmet kórsetý, aýyl sharýashylyǵy, taý-ken jáne azyq-túlik ónerkásibi salalaryndaǵy tabysty yntymaqtastyǵyn atap ótti.
Qazaqstandyq delegasııanyń jumys sapary brıtandyq áriptestermen birqatar ekijaqty kelissózder júrgizýmen jalǵasty. Mysaly, is-shara alańynda «Respýblıkalyq mańyzy bar aýyz sý taratý jelilerin salý» jobasy egjeı-tegjeıli talqylandy, aldyn ala quny shamamen $2 mlrd bolatyn jobany birlesip júzege asyrý týraly ýaǵdalastyqtarǵa qol jetkizilip, bastapqy qujattarǵa qol qoıyldy.