Týrnırdiń alǵashqy irikteý kezeńine 30-ǵa jýyq sportshy qatysty, dep habarlaıdy Atyraý oblystyq О́ńirlik kommýnıkasııalar qyzmeti.
1 mamyr Qazaqstan halqynyń birligi kúnine oraı Atyraýda alǵash ret Street Workout-tan qalalyq týrnırdiń alǵashqy kezeńi ótti.
Q.Smaǵulov alańynda bastalǵan irikteý kezeńinde 30-ǵa jýyq qatysýshy nıet bildirdi. Saıys beltemirge qosymsha salmaqty beline baılap alyp tartylý, beltemirden keýdeni asyra tartylý jáne syryqtaǵy jattyǵý kezeńderinen turdy.
- Alǵashqy kezeńde jarysty qyzyǵyp kórýshiler sany kóp boldy. Bunyń ózi Street Workout-tyń jastar arasynda suranysqa ıe ári qoljetimdi sport ekeniniń dáleli. Osy sport túrin damytý maqsatynda qalamyzda tórt Street Workout alańdary ashylǵan bolatyn. Bolashaqta halyq suranysy kóbeıip jatsa, atalǵan sport alańdaryn kóbeıtemiz, - deıdi qalalyq sport bóliminiń basshysy Rınat Ibragımov.
Saıystyń eń jas qatysýshysy – 12 jasar Arman Ybyraı. Ol barlyq jattyǵý boıynsha 31 upaı jınap, eresektermen birdeı dárejede synǵa tústi. Uıymdastyrýshylar Armandy «Jeńiske degen jigeri úshin» arnaıy dıplommen marapattady. О́zge de jarys jeńimpazdaryna arnaıy dıplom, medaldar men baǵaly syılyqtar tabys etildi.
Aıta ketý kerek, qalalyq týrnırge irikteýdiń ekinshi kezeńi 7 mamyr kúni Vokzal mańy 5-i móltek aýdanynda ótedi. Úzdik shyqqan 5 qatysýshy 1 maýsym kúni ótetin aqtyq saıysqa joldama alady.