1 maýsym bastap Astanadaǵy EKSPO aýmaǵynda ornalasqan turǵyn úıler men kólik turaqtary satyla bastaıdy. Bul týraly «Báıterek» holdınginiń – AO «Baıterek development» baspasóz qyzmeti habarlady.
«2016 jyly Astana qalasyndaǵy EKSPO-2017 halyqaralyq mamandandyrylǵan kórmesin ótkizý ýaqytynda shet el delegasııasy qatysýshylarynyń turýy úshin 42 turǵyn úı salyndy. Jyljymaıtyn múlik nysandary Ulttyq qor men jobalaý kompanııalarynyń ınvestısııasyna salyndy. Memlekettiń turǵyn úıge bólingen qarjyny qaıtarý, naryqta jyljymaıtyn múlikti satý arqyly bolady», – dep habarlady «Báıterek development» AQ Basqarma Tóraǵasynyń orynbasary A.Ýserbaev.
EKSPO oramynda kólik turaǵymen páterdi kez-kelgen qalaýshy óziniń qarjysyna nemese «Qazaqstannyń turǵyn úı qurylys jınaq banki» AQ ekinshi deńgeıli bankterden ıpotekalyq qaryz alý arqyly alady.
A.Ýserbaev atap ótkendeı, EKSPO turǵynjaılaryn satýdyń ashyqtyǵyn qamtamasyz etý úshin,ótinish qabyldaýdy Digital Baiterek onlaın-platforma arqyly júrgizý josparlanýda. Búgingi kúni testleý men óńdeý kezeńinde.
Turǵyn úıdiń jaılylyǵy II klassty jáne taza árleýde ótkiziledi. Bir bólmeli páterdiń aýmaǵy 41,3 nen 50,7 sh.m, eki bólmeli – 60,8 den 75,6 sh.m., úsh bólmeli– 85,3 den 104,9 sh.m, tórt bólmeli – 108,4 den 123,7 sh.m. Jýyq arada jyljymaıtyn nysandardyń baǵasy táýelsiz konsaltıng kompanııasyn tartýmen anyqtalmaq.