Mań dala nege muńaıady?.. (áńgime)

Bıyl qalaǵa jańbyr kóp jaýdy.

Al dalaǵa... dalaǵa ázirshe bir tamshy da tambaı tur.

Munysy nesi?..

Biz ádette, kóktemgi dalany, ki­lem­­deı qulpyrǵan qyzǵaldaqty, kók maı­sa shalǵyndy, aqsha bulttardy án men jyrǵa qospaýshy ma edik.

Átteń...

Teń-teń júk tıegen túıekeshter se­kil­di túıdek-túıdek bulttar áne, ta­ǵy da aıaldamaı, qalaǵa qaraı jóń­ki­lip barady.

Úp etken jelge basyn ızep, jel­­kil­deı jóneletin jasyl sasyr­dyń, at­qulaq pen qoıjelkektiń, mez­gi­lin­de búr jara almaı kúreńitip ba­ra jatqan boz jýsannyń muńyn qa­zir kim tyńdaıdy? Kóz jasyn kim kó­re­di?..

Bizdiń montaılyqtar keshe kók­ten jańbyr tilep, tasattyq berdi. Mun­­daǵy el mań daladaǵy bıik sho­qy – Mańsarynyń ushar basy er­te sar­ǵaıǵanyn ańdap, ish jıyp, úreı­le­nip otyr.

Osyndaı bir shaqta: «O-oý, jelini syz­d­aǵan qarasur bult­tar, sender bı­­yl shynymen-aq me­ı­i­rim-qaı­yry­m­- nan aıyry­lyp, aqyl­da­ryńnan aljasa bas­ta­ǵan­syń­dar ma? Onsyz da kó­she-kó­shedegi ly­qyl­da­ǵan sýdy qaıda aǵy­za­ryn bilmeı, qar­balasyp jatqan tas qalada ne bar?! – dep eriksiz aıǵaı sal­ǵyń keledi.

– Aıaldasańdarshy dalaǵa. Quı­sań­darshy seldetip. Qara jerdiń ıi qa­nyp, egin óssin. Shóp shyqsyn. Mal toıynsyn».

Biraq...

Kim bilsin, bul da bir synaq shy­ǵar-aý.

Sebebi biz de dalany tastap, qala­ǵa qaraı jóńkilip jatqan joq­pyz ba?

Ataqonys, ata dástúr, ata salt, ana tilimiz – bári-bári kókten jańbyr ti­le­gen boz jýsandaı júdep, aspanǵa qa­rap telmirip qaldy emes pe?

Nurǵalı ORAZ,

«Egemen Qazaqstan»