Qyzylordada sý sharýashylyǵynyń memleketaralyq úılestirý komıssııasynyń 73-i otyrysy ótýde. Uıymdastyrýshylar - QR Aýyl sharýashylyǵy mınıstrligi jáne Qyzylorda oblysynyń ákimdigi.
1992 jyldan beri jumys isteıtin komıssııa Ortalyq Azııa memleketteriniń Aral teńizi basseınindegi sý sharýashylyǵy máselelerin sheshýge arnalǵan alańy bolyp tabylady.
Sharaǵa QR Aýyl sharýashylyǵynyń vıse-mınıstri Erlan Nysanbaev, О́zbekstan Respýblıkasynyń sý sharýashylyǵy mınıstri Shavkat Hamraev, Tájikstan Respýblıkasynyń energetıka jáne sý resýrstary Mınıstriniń orynbasary Rahımzoda Sýlton, Túrkimenstan sý jáne aýyl sharýashylyǵy mınıstriniń orynbasary Baıramdýrdyev Magtymgýly, Qyzylorda oblysy ákiminiń orynbasary Serik Qojanııazov qatysýda.
Jıyn barysynda qatysýshylar sý toǵandary lımıtin paıdalanýdyń qorytyndysyn shyǵaryp, Ámýdarııa jáne Syrdarııa ózenderiniń basseınderindegi sý qoımasy keshenderiniń jumys rejımi týraly baıandaıdy. Sondaı-aq, taraptar 2018 jylǵa arnalǵan sý toǵandarynyń lımıtin bekitip, sý qoımasy keshenderiniń jumys rejıminiń boljamdy kestesin bekitýdi kelisedi.