Eýropadaǵy Bosnııa jáne Gersegovınanyń Zenısa, Saraevo, Mostar, Chernogorııanyń Setıne, Albanııanyń Tırana, Makedonııanyń Gostıvar, Bolgarııanyń Plovdıv jáne Sofııa qalalarynyń turǵyndary naýryz-sáýir aılarynda Ońtústik Qazaqstan ónerpazdarynyń ónerin tamashalady.
Elbasynyń «Bolashaqqa baǵdar: rýhanı jańǵyrý» maqalasy aıasynda TÚRKSOI uıymynyń uıymdastyrýymen Sh.Qaldaıaqov atyndaǵy oblystyq fılarmonııanyń ártisteri men halyqaralyq bı baıqaýlarynda júldeli oryndarǵa ıe bolyp júrgen «Qazyna» bı ansambli jáne túrkistandyq «Semser» toby Eýropa men Azııanyń 9 memleketinde 22 konsert qoıdy. Al oblystyq opera jáne balet teatrynyń solısteri men mádenıet jáne halyq shyǵarmashylyǵynyń ártisteri Fınlıandııa, Shvesııa, Estonııa elderinde óner kórsetti. Sonymen qatar ónerpazdar Túrkııa elinde naýryz aıynda ótken «Kastamoný – Túrki áleminiń mádenı astanasy» jylynyń ashylý saltanatyna oblys ákiminiń qoldaýymen baryp qaıtqan. Ońtústik ónerpazdary «Saryarqa» ánimen Kastamoný kógin terbetse, «Babalar rýhy» ánimen el namysyn tý ete asqaqtatqan «Semser» tobynyń jigitteri kórermen yqylasyna bólendi. Halyqaralyq júldelerdi ıelenip júrgen «Qazyna» bı ansambli tatýlyq pen bereke-birlikti pash etti. Budan bólek, atalǵan óner maıtalmandary Túrkııanyń Kastamoný, Ankara, Ystanbul qalalarynyń turǵyndaryna konserttik baǵdarlama usynǵan.
Ǵalymjan ELShIBAI, «Egemen Qazaqstan»