Búgin sondaı-aq Almaty qalasynyń О́ńirlik kommýnıkasııalar qyzmeti alańynda Almaty qalasynyń TJD bastyǵynyń orynbasary Erlan Álibekov jýrnalısterdiń qatysýymen baspasóz májilisin ótkizdi.
Erlan Álibekuly kazgıdromettiń málimetterine sáıkes, Almaty qalasynyń taýly aımaqtaryndaǵy jınaqtalǵan qardyń mólsheri qalypty jáne ótken jylmen salystyrǵanda qardyń kólemi eki esege az ekendigin atady. Jaýyn- shashynnyń mólsheri ortasha eseppen alǵanda belgili ólshemnen 15-20 paıyzǵa tómen. О́tken jylǵy kezeńmen salystyrǵanda, bıylǵy jaýyn-shashynnyń mólsheri 50 paıyzǵa az.
2017 jyly Almaty qalasy ákimdiginiń basshylyǵymen Almaty qalasynyń Alataý, Áýezov, Almaly, Bostandyq jáne Medeý aýdandarynda jalpy qashyqtyǵy 30 shaqyrymdy quraıtyn aryq júıeleri salynyp, sondaı aq Esentaı (9 shq), Qımasar (1,1 shq) jáne Jarbulaq (0,4 shq) ózenderiniń jekelegen bólikterinde jaǵalaýdy beriktendirý men abattandyrý jumystary júrgizildi.
Qala ákiminiń qorynan bólingen 1,4 mlrd.teńgege Alataý men Naýryzbaı aýdandarynyń sý tasqynyna qaýipti ýchaskelerinde 1,2,3 shaqyrym aryq júıeleri men jaýyn kárizderi salynyp, Alataý aýdanyndaǵy «Energostroıtel» jáne «Teploenergetık» saıajaılarynan ótetin «Qarǵaly» ózeni arnasynyń 4,8 shaqyrymy betondaldy.
Oǵan qosa, 2017 jyldyń qyrkúıeginde Naýryzbaı aýdanyndaǵy Qarǵaly ózeni arnasyndaǵy (jalpy somasy 2,2 mlrd.teńgege) apatty-qalpyna keltirý jumystary aıaqtaldy. Nátıjesinde, búgingi tańda Qarǵaly ózeniniń sý ótkizý múkindigi 20m3 deıin joǵarylady (buryn 5-7 m3 bolǵan).
«Sý tasqyny qaterleriniń aldyn alý jáne joıý jónindegi 2017-2020 jyldarǵa arnalǵan sharalar kesheni» jol kartasy sheńberinde Esentaı (Abaı dańǵyly), Jarbulaq (Qabanbaı batyr,Ishtvan kósheleri) jáne Kishi Almaty (Elebekov, Maılın kósheleri) ózenderinen ótetin 6 kópir kúrdeli jóndeýden ótti (575 mln. 605 myń teńgege).
Medeý-Shymbulaq avtojolyndaǵy Kishi Almaty ózeninen ótetin 1 kópirdi jóndeý jumystary 2018 jylǵa josparlanǵan (somasy 262 mln.451 myń 216 teńge).
Almaty qalasynyń Tabıǵı resýrstar jáne tabıǵatty paıdalanýdy retteý basqarmasymen qalamyzdyń 8 aýdanynda 42 shaqyrymdyq aryq júıelerin jańartýǵa Jobalyq smetalyq qujattama daıyndalyp, 2018 jyldyń basynan beri iske asyrylýda, – dedi Departament orynbasary.
Aınash ESALI,
«Egemen Qazaqstan».
ALMATY