Juldyzdy kúnniń bir kúni

Jýyrda Astana qalasyndaǵy №67 gımnazııada mektep kitaphanashylarynyń uıym­das­tyrýymen Táýelsizdigimizdiń 20 jyl­dy­ǵyna arnalǵan bir tamasha kesh bolyp ótti. Oǵan L.N. Gýmılev atyndaǵy Eýrazııa ult­tyq ýnıversıteti fılologııa fakýltetiniń qazaq tili men ádebıeti kafedrasynyń bir top ǵalymdary arnaıy shaqyryldy. Keshtiń taqyryby «Memleket táýelsizdigi – qazaq halqy­nyń ǵasyrlar boıy ańsaǵan armany» dep atalǵandyqtan, bul basqosýda Qazaqstan Táýel­sizdiginiń tarıhı taǵylymdary týraly kafedra meńgerýshisi fılologııa ǵylymdarynyń dok­tory, professor B.Erdenbekov mektep oqýshylaryna tamasha áńgimeniń jelisin tarqatty. Ol sózinde osydan 20 jyl burynǵy Qazaq eliniń jaı-kúıi men búgingi kórkeıgen Qazaqstannyń álemdik arenadaǵy alatyn orny jáne Táýelsizdik atty táńir syıynyń qasıeti jaıly tereń­nen maǵlumat berdi. Kesh eki bólimnen turdy. Onyń alǵashqy bóliminde táýel­sizdik jolyndaǵy Qazaq mem­le­ketiniń bastan keshken san-alýan qasiretteri jaıly túsirilgen slaıd kórsetildi. Tarıhı oqı­ǵalardyń jelisine kitaphanashy F.Berdibaı qysqasha túsinik berip otyrdy. Keshegi aqtaban shubyryndy, alqakól sulama, 1931-32 jyldardaǵy asharshy­lyq, qazaq zııalylarynyń ba­sy­na qara túnek ornatqan qyzyl qyr­ǵyn men 1986 jylǵy Jel­toqsan oqıǵasy oqýshylarǵa úl­ken oı saldy. Al kitaphana meńgerýshisi Á.Seısenbına keshtiń ekinshi bó­liminde mektep oqýshylary men ǵalymdar arasynda syr-suhbat uıymdastyryp, keshtiń áserl­i­ligin arttyrdy. Bul keshte tek ǵalymdar ǵana emes, 9-10-11- sy­nyptardyń oqýshylary da óz oılaryn ortaǵa salyp, «Táý­elsizdik bizge ne berdi?» degen saýal tóńiregindegi óz tujyrym­darymen bólisti. Fılologııa ǵylymdarynyń doktory, professor R.Turys­bek­tiń tarıh tujyrymdarymen baılanystyryla aıtylǵan syr-suhbaty búgingi mektep par­ta­syndaǵy oqýshylarymyzdyń ult rýhyn baǵalap, patrıottyq sezimderin oıatýǵa yqpal etti deýge ábden bolady. Osy oıdyń sa­baqtastyǵy munan ári sóz kezegin alǵan ǵalymdar A.Áb­di­ra­zaq­qyzy men G. Erjanqy­zy­nyń órnekti de ózekti áńgimele­rinde jalǵasyp jatty. Bir sózben aıtqanda, bul kesh­tiń gımnazııa oqýshylary úshin paıdasy zor boldy. Kezdesýge ata-analardyń ókilderi de shaqyryldy. Al, osy gımnazııada jumys jasap júrgen Táý­elsizdiktiń qurdastary D.Ar­yn­ǵazına men G.Pazylova sııaqty jas mamandarǵa bul keshte erekshe qurmet kórsetildi. Keshke qatysýshylar kitaphanaǵa qo­ı­ylǵan «Kelbetińe rızamyn, Tý­ǵan Elim!» atty kitap kórme­si­men tanysty. 9-synyp oqýshylary Ferýza Marks pen Indıra Ydyrys kesh qonaqtarynyń qurmetine «Táý­elsiz Qazaqstan» atty ánderin tartý etti. Sońynan gımnazııa­nyń dırektory G.Sadyqova kesh qo­naqtaryna rızalyq sezimin bildirip, eskertkish syılyqtar usyn­dy. Bul Táýelsizdiktiń 20 jyl­dy­ǵyna arnalǵan 20 kúnniń bir kúni ǵana bolatyn. Mundaı ma­ńyz­dy keshter ári qaraı jal­ǵa­sa beredi. Arna ÁBSEIITTEGI, № 67 gımnazııanyń 11-synyp oqýshysy.