Qyzylorda arbatynda qyzyq kóp

Qoly bos adamdardyń árili-berili kólik sapyrylysqan kóshelerden alys ma­­myr­ajaı alańda emin-erkin seıildep, on­­daǵy kórsetilip jatqan qyz­met­ter­den rýhanı azyq alyp, baıyp qaı­ta­tyn ar­battar álemniń barlyq iri qala­la­rynda bar.

Endi olardyń qataryna Qyzylorda qalasy da qosyldy. Munda jergilikti qolónershiler, sýretshiler jáne halyq shyǵarmashylyǵy ókilderi óz týyndylarymen jurtty qýantady.

О́ner arbaty oblystyq mádenıet, arhıvter jáne qujattama basqarmasynyń uıymdastyrýymen Qyzylorda qala­sy­nyń 200 jyldyq mereıtoıyna oraı uıymdastyryldy.

– О́ner arbaty kásibı jáne áýesqoı sýret­shilerdiń, qolóner sheberleriniń shyǵar­mashylyqpen aınalysýyna qolaı­ly jaǵdaı jasaıdy. Týyndylaryn jar­namalaýǵa múmkindik beredi. Aıta keter­ligi, bul oryn halyqtyń rýhanı de­malatyn qoǵamdyq-mádenı mekenine aınalady degen senim zor. Oǵan qosa óner adamdary sheberlik dárisin ótkize alady. Sonymen qatar qala qonaqtaryn Syr óńiriniń óneri men mádenıetimen tanystyratyn arnaıy oryn bolady. Qysqasy, bul jer sýretshiler, qolónershiler jáne sheberlerdiń shabyt alatyn ornyna aınalady, – deıdi oblystyq mádenıet, arhıvter jáne qujattama basqarmasynyń basshysy Mıra Ábýova.

Shıeli aýdanynan kelgen qolóner sheberi Zylıqa Qalender:  – Men shı toqý isimen aınalysyp kelemin. Alǵashqyda sýret salatynmyn. Shı toqýmen on alty jyldan beri shuǵyldanamyn. Qyzylorda qalasynda О́ner arbatynyń ashylyp jatqanyna qýanyshtymyn. Buryn mundaı oryndardy Reseıdiń Máskeý jáne Sankt-Peterbýrg, elimizdiń Astana jáne Almaty qalalarynda bar ekenin biletin edik. Oblys basshylyǵynyń qoldaýymen tusaýyn kesip jatqan bul orynnyń jergilikti jurtqa bereri kóp, – deıdi.

Búginde arbatta oblystyń qala, aýdan­daǵy qolynan óner tamǵan zer­ger­lerdiń buıymdary qoıylǵan. Endi mun­da Syr súleıleriniń, aqyn-ja­zý­shylardyń shyǵarmashylyǵy nasıhat­talyp, mazmundy júzdesýler bolyp turady.

Halyqty bereke-birlikke, tatýlyqqa úndeıtin aımaqta baldyrǵandar úshin de qyzyq kóp. Oblys úshin ma­ńyz­dy sharaǵa kelgen olar «Be­sik ter­betken ana» beınesindegi arhı­tek­tý­ra­lyq belgi mańyna ózderiniń alǵash­qy kóshetterin otyrǵyzdy.

Ashyq aspan astyndaǵy mádenı oryn qala jurtshylyǵy men meımandarynyń ta­ǵy bir rýhanı ortalyǵyna aına­la­tyn­dy­ǵy sózsiz.

Baqtııar TAIJAN, «Egemen Qazaqstan»

Qyzylorda oblysy