Oblystyq festıval bul joly Astana qalasynyń 20 jyldyǵyna arnaldy. Bul konkýrs turaqty túrde Semeıde ótkizilip keledi. Onyń uıymdastyrýshylary – Shyǵys Qazaqstan oblystyq Balet mektebi, Semeı qalalyq ákimshiligi men qalalyq Dostyq úıi.
– Oblystyń jastary men balalary arasyndaǵy halyqtyq bılerdi nasıhattaý bizdiń basty maqsatymyz bolyp tabylady, – dedi balet mektebiniń dırektory Kamılııa Ismaılova. – Baıqaýda 32 bı túri usynyldy. Oǵan 7-18 jas aralyǵyndaǵy 500 bala qatysty. Uıǵyr, ózbek, qazaq, ıspan bıleri jarqyraı kórindi. №6 balabaqshadaǵy baldyrǵandar tobynyń «Lezgınka» bıi eldi eriksiz eliktirdi. Kýrchatov qalasynyń №3 mektep ujymy oryndaǵan «Orys bıi» de tartymdy shyqty. Bas báıgeni osy Kýrchatov qalasynan kelgen «Fantazııa» ujymy jeńip aldy. Qazylar alqasy Zınaıda Matvıenkonyń jetekshiligimen qoıylǵan bılerdi joǵary baǵalady.
Raýshan NUǴMANBEK, jýrnalıst
Semeı
sýretti túsirgen avtor