Balýanǵa qurmet

Qazir sporttyq saıystar jıi. Sonyń biri jaqynda Qaraǵandyda ótken, Jańaarqa aıma­­ǵynan alǵash KSRO sport sheberi atanǵan Tanaý Nyǵyzbaevty eske alýǵa arnalǵan erkin kúres týrnıri boldy. Bul saıys ádettegiden ózgesheleý uıymdastyryldy. Onyń bar salmaǵyn búginde ortamyzda júrse jetpisten asar marqum balýannyń uldary Murat, Jaqsylyq, baýyrlary Aıtbek, Ábdýilııas kóterdi. Qaladaǵy záýlim de ásem «Jastar» saraıyn jalǵa alyp, jer-jerden jınalǵan 250 qyrannyń 12 salmaq dárejesi boıynsha emin-erkin kúsh synasýyna barynsha jaǵdaı jasap, jeńimpazdar men júldegerlerdi ynta­lan­dyryp, eleýli jarysqa aınaldyrdy. Bul kisini urpaqtary ulyqtaýǵa laıyqty-aq. О́tken ǵasyrdyń sonaý 50-shi jyldary ortasynda alystaǵy aýylda jetkinshek kezinen kúres ónerine qushtarlanyp, soǵan qulaı berilipti. Jeńil salmaqta áýelde oblysta, odan respýblıkada aldyna jan ozdyrmaı, qala berdi keńestik keńistiktegi jarystar tórinen jarqy­rap kórinip alysqa tanylǵan. KSRO komanda­synyń quramynda Ábilseıit Aıhanov, Saǵyn­jan Amanjolovtarmen birge beldesip, 53 kg. salmaqta birneshe dúrkin jeńimpaz atanǵan. Jańaarqa jastarynyń sportty súıikti serik etýge jappaı jumylýy jerles aǵalarynyń jeńisteri áserinen bolǵan. Sodan tamyrlanǵan talanttardyń talaıy Tanaý balýandy talapta­ryna izashar sanaıdy. Joǵaryda atalǵan 1996-98 jyldary týǵan jas­­­­óspirimder arasyndaǵy týrnırge qatysý­shy­lar­­dyń shoqtyly shoǵyrymen erekshelendi. 29 kı­lo­daǵy shynashaqtaı balǵynnan bastap 100 kıloǵa deıingi kesek tulǵaly balalar keıingi kezde kenjelep qalǵan osynaý kúres túriniń jańǵyrý, damý ústinde ekendigin pash etti. Saıystyń bas tóreshisi Balǵabaı Nur­ma­nov «Ár óńir komandalarynyń quramy­na 10-15-ten balaýsa balýan tartylǵan mun­daı jarys sırek ushyrasady. Erkin kú­res bolashaq sheberleriniń úlken legi ósip ke­le jatyr eken, sol qýantty, dedi. Jeńim­pazdar men júldegerler moıyndaryna Tanaý Nyǵyzbaevtyń beınesi bederlengen altyn, kúmis jáne qola medaldar ilindi. Jarysty uıymdastyrý komıssııasy­nyń tóraǵasy, Qazaqstan Respýblı­kasy­nyń má­de­nıet qyzmetkeri Abylaı Shú­len­baevtyń aıtýynsha, bul bastama jal­ǵa­syp, budan by­­­laı qaraı respýblıkalyq týr­nır bolyp ótip turady. Osy jarysta kózge túsken balý­andar respýblıkalyq birinshilikke qatysady. Aıqyn NESIPBAI. Qaraǵandy.