Qaırat Ábdirahmanov Qyzyl Krest jáne Qyzyl Jarty aı halyqaralyq qoǵam federasııasynyń prezıdentimen kezdesti

Taraptar Halyqaralyq fede­rasııasynyń álemdegi tótenshe jaǵdaılar men qaqtyǵystar saldarynyń aldyn alý, sondaı-aq qalpyna keltirý jumystary boıynsha jergilikti turǵyndarǵa qoldaý kórsetýi jónindegi qyzmeti týraly talqylady.

Q. Ábdirahmanov senimdilik úshin alǵysyn aıta otyryp, Qy­zyl Krest jáne Qyzyl Jar­ty aı halyqaralyq qoǵam fede­ra­sııasynyń 10-shy Eýropalyq konferensııasyn 2018 jylǵy 2-3 mamyrda Almatyda ótkizgeni úshin iltıpat bildirdi. Sátti ótkizilgen osy is-shara aımaqtaǵy áleýmettik sala boıynsha halyqaralyq yntymaqtastyqqa jańa serpin beretinin de atap ótti.

Mınıstr, sondaı-aq Qa­zaq­stannyń atalǵan federasııamen, eki­jaqty deńgeıde de, basqa halyq­aralyq alańdarda da, sonyń ishinde Prezıdent N.Á.Nazar­baevtyń syrtqy saıası bastamalaryn iske asyrý sheńberinde yntymaqtastyqty nyǵaıtýǵa ázir ekenin jetkizdi.

F.Rokka óz kezeginde mańyzdy konferensııany Almaty qala­synda uıymdastyrýda kórsetilgen qoldaý úshin Qazaqstanǵa rıza­shylyǵyn bildirdi. Budan bólek, Halyqaralyq federasııasynyń prezıdenti Sırııadaǵy daǵdarysty sheshý úshin Astanada uıymdastyrylǵan kelissózderdi joǵary baǵalady jáne jaqyn arada Sırııa Arab Res­pýblıkasyna jasaǵan issapary qorytyndylary jóninde sóz qozǵady.

Kezdesý nátıjesinde tarap­tar bir-birimen turaqty túrde ha­barlasa otyryp, keń aýqymdy máseleler boıynsha yntymaq­tastyqty nyǵaıtýǵa kelisti. Aıta keteıik, Qyzyl Krest jáne Qyzyl Jarty aı halyq­aralyq qoǵam federasııasy 189 ulttyq qoǵamdy qamtıdy. Bul uıym tótenshe jaǵdaılar men tehnogendik apattar qurban­daryna, bosqyndarǵa, tótenshe jaǵ­daılarda densaýlyq saqtaý organ­daryna Qyzyl Krest jáne Qyzyl Jarty aı halyqaralyq qo­ǵam federasııasy tarapynan kór­setiletin halyqaralyq kómek­ti basqarady jáne retteıdi. Qyzyl Krest jáne Qyzyl Jar­ty aı halyqaralyq qoǵam fede­ra­sııa­synyń aımaqtyq ókili Qazaqstan Respýblıkasynda 1992 jyldan beri qyzmetin atqaryp keledi.

Qazaqstan bul federasııamen óziniń BUU Qaýipsizdik Keńe­sin­degi 2017-2018 jyldary músheligi sheńberinde de ózara baılanys ornatýda.