Ortalyq kommýnıkasııalar qyzmetiniń alańynda Soltústik Qazaqstan oblysynyń ákimi Qumar Aqsaqalov «Rýhanı jańǵyrý» baǵdarlamasynyń oryndalý barysymen tanystyrdy.
Oblys basshysy aldymen «Rýhanı jańǵyrý» baǵdarlamasy aıasynda mádenı jáne tarıhı qundylyqtary bar nysandardy saqtaýǵa baǵyttalǵan sharalar kesheni qabyldanǵanyn atap ótti. Baǵdarlamany iske asyrýǵa oblys turǵyndary bir kisideı jumylyp, júktelgen mindetterdi oryndaýǵa yqylasty ekendigin de jetkizdi.
Oblys basshysy soltústik óńirdegi eneolıt dáýiriniń eskertkishi − «Botaı qonysynyń» mańyzdylyǵyna toqtalyp, bul qonys respýblıkalyq mańyzǵa ıe jáne óńirdiń brendi ekenin aıtty.
– Bul eskertkish respýblıkalyq mańyzǵa ıe jáne bizdiń óńirdiń brendi bolyp tabylady. Oblys turǵyndary atalǵan tarıhı derek negizinde álemdik jylqy sharýashylyǵynyń túp qazyǵy bizdiń óńirden óris alǵandyǵyn maqtanyshpen aıta alady, dedi Q. Aqsaqalov. Oblys basshysynyń aıtýynsha, 2018 jylǵy 31 naýryzdaǵy Úkimet qaýlysymen «Botaı qonysy» negizgi respýblıkalyq tarıhı-qoryqtardyń úshtigine engen. Bul bolashaq urpaqqa biregeı mádenı eskertkishti saqtaýǵa, saıahatshylardy tartýda básekege qabilettilikti joǵarylatýǵa, ǵylymı-zertteý, arheologııalyq, aǵartýshylyq, tarıhı bilimdi jetildirýge múmkindik beredi.
О́ńirimizde tek ishki deńgeıdegi emes, sonymen qatar halyqaralyq deńgeıdegi týrızm salasyn damytýǵa da basa nazar aýdarylýda. Petropavl qalasyn abattandyrý jumystary jalǵastyrylýda. 2018 jyldan bastap óńirdegi barlyq murajaılarǵa kirý tegin boldy. Oblys ákiminiń aıtýynsha, qabyldanǵan sharalar týrıster aǵymyn eki esege ósirýge múmkindik týǵyzyp otyr. О́ńirdiń basshylyǵymen «Zaman taspasy» jobasy qabyldandy. Bul joba týrısterge gadjetterdiń kómegimen qalanyń tarıhı eskertkishterimen tanysýǵa múmkindik beredi. Joba boıynsha qazirgi tańda eskertkishter týraly eki tilde tolyq maǵlumaty bar marshrýt daıyndaldy, – dedi óńir basshysy.
Atalǵan óńirde sońǵy jyldary qazaq mádenıetin shetelderde dáripteý jumystary qolǵa alynǵan. Osy maqsatta óńirdegi mádenı ortalyqtar halyqaralyq festıvaldar men konferensııalarǵa qatysýda. Búginge deıin ónerpazdar Germanııa, Birikken Arab Ámirlikteri, Italııa, Ispanııa, Bolgarııa, Qytaı, Belarýs pen Reseıde bolyp, qazaq óneriniń álemge tanylýyna úles qosty. О́ńirde mádenıetti damytý jumystary belsendi túrde júrgizilýde – jas aqyndar mektepteri, ansamblder men ulttyq sport túrlerin dáripteýge arnalǵan mektepter ashylýda.
Sonymen qatar Petropavl qalasynda Sábıt Muqanov atyndaǵy qazaq sazdy-drama teatry jumys isteıdi. Teatrda 200 adamǵa arnalǵan oryn bar. Buǵan qosa bıyl Petropavl qalasyndaǵy jańa «Jas О́rken» shaǵyn aýdanynda 500 oryndyq jańa teatrdyń qurylysy bastalmaq.
Oblys basshysy Qumar Aqsaqalov osy ýaqytqa deıin Prezıdenttiń latyn grafıkasyna qatysty tapsyrmasy aıasynda biraz sharalar atqarylǵanyn aıtty. Halyq arasynda túsindirý jumystary da júrgizilgen.
Biz 500-ge jýyq shara ótkizdik. Árbir topta, árbir ujymda, árbir uıymda túsindirý sharalary júzege asyryldy. О́zderińiz jaqsy bilesizder, bizdiń oblysymyzda xalyqtyń 65 paıyzyn ózge ult ókilderi quraıdy. Degenmen atqarylǵan sharalardyń arqasynda barlyǵy latyn grafıkasyna kóshýdi qoldap otyr, dedi Q.Aqsaqalov. Ákimniń aıtýynsha, oblys mektepteri jańa álippe boıynsha sabaq berýge daıyn. О́tken jyldyń qarasha aıynda oblystyq kitapxanada latyn grafıkasyna úıretetin arnaıy ortalyq ashylǵan.
– «100 jańa oqýlyq» jobasy aıasynda 18 oqýlyq bizdiń oblysymyzǵa jetkizildi. Atalǵan shyǵarmalar aldymen kolledj ben ýnıversıtet stýdentterine taratylady. Árıne ol bastama qazaq tilinde bilim alyp jatqan jastarǵa arnalyp otyr. Mysaly, bizde Soltústik Qazaqstan memlekettik ýnıversıtetinde bes myń stýdent oqysa, olardyń ishinde eki myń bala qazaq tilinde bilim alyp júr», – dedi Q.Aqsaqalov. Oblys basshysy óz sózinde óńirdegi túıtkildi máselelerdi sheshýge jergilikti kásipkerler qarjylaı qoldaý kórsetip otyrǵanyna erekshe toqtaldy. – «Týǵan jerge taǵzym» jobasy aıasynda ótken jyly oblysta týǵan ólkeni damytýǵa, qoldaýǵa jekeleı kásipkerler tarapynan jalpy somasy 1 mlrd 300 myń teńgege qarjylaı kómek kórsetildi. Kásipkerler óz týyp-ósken aýyl-aımaǵyndaǵy aýyz sý, mádenı, densaýlyq saqtaý, bilim salalaryndaǵy keıbir túıinderdiń sheshimin tabýǵa atsalysyp otyr. Bıylǵy jyly da qaltaly azamattar joldardy jóndeýge, baspanaǵa muqtaj jandarǵa úı salyp berýge, kóp balaly otbasylaryna qoldaý kórsetýge ınetti. Aıta keterligi, oblysta aýyz sýmen qamtamasyz etý 57 paıyzdy qurap otyr. Bul másele tek memleket bıýdjetimen sheshilmeıdi», – dedi Q.Aqsaqalov.
Qazirgi ýaqytta oblystaǵy aýyldyq mektepterde, aýrýxanalarda, feldsherlik beketterde maman tapshy. Osy máseleni sheshý úshin «Serpin» baǵdarlamasy aıasynda kelip jatqan jastardy aýyldy jerlerge jiberý kózdelip otyr. Jastarǵa barlyq jaǵdaı jasalmaq. Tipti oblys basshylyǵy jeke kásipkerlerdiń qoldaýymen úı salyp berýge de daıyn.
Ish-shara barysynda «Rýhanı jańǵyrý» baǵdarlamasy aıasynda arnaıy kórme uıymdastyrylyp, onda «Botaı» qonysynyń jádigerleri men turǵyn úılerdiń úlgileri, óńirdiń kıeli jerleriniń kartasy, kitap basylymdary, dıskiler, albomdar usynyldy.
Erkejan AITQAZY, «Egemen Qazaqstan»