Aqtaýda Memlekettik qyzmet isteri jáne sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamentiniń uıymdastyrýymen «Sybaılas jemqorlyqqa jappaı tózbeýshilikti qalyptastyrýdaǵy rýhanııat róli» atty dóńgelek ústel ótti.
Is-sharaǵa QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamentiniń basshysy N.Jannazarova, Mańǵystaý oblysy ákiminiń orynbasary R.Sakeev, oblystyq din isteri basqarmasynyń basshysy E.Esbergenov, oblystyq ortalyq «Beket Ata» meshitiniń bas ımamy S.Seıtbekov, Aqtaý qalasynyń Rımdik-Katolıktik shirkeýiniń jetekshisi A.Kalınovskıı, «Jańarý» Jalpyulttyq sybaılas jemqorlyqqa qarsy qozǵalys» respýblıkalyq qoǵamdyq birlestigi oblystyq fılıalynyń dırektory D.Úsipbaev, memlekettik organdardyń qyzmetkerleri, Qazaqstan Musylmandary dinı basqarmasynyń oblystyq, qalalyq jáne aýdandyq ókildikteriniń, úkimettik emes uıymdardyń ókilderi jáne máslıhat depýtattary qatysty.
О́ziniń kirispe sózinde Agenttiktiń aýmaqtyq departamentiniń basshysy N.Jannazarova is-sharanyń maqsaty men mindetteri, memleket tarapynan júrgizilip jatqan sybaılas jemqorlyqqa qarsy saıasaty týraly jáne de sybaılas jemqorlyqqa qarsy mádenıetti qalyptastyrý úshin qoǵamnyń túrli áleýmettik toptaryn tartý qajettigi týraly aıtyp ótti.
Mańǵystaý oblystyq din isteri basqarmasynyń basshysy E.Esbergenov dinaralyq qatynastar salasyndaǵy memlekettik saıasattyń negizgi basymdyqtaryn júzege asyrý boıynsha basqarmanyń qyzmetine toqtaldy.
О́z kezeginde oblystyq «Beket Ata» ortalyq meshitiniń bas ımamy S. Seıtbekov, Agenttik tarapynan júrgizilip jatqan saıasatqa qoldaý bildire otyryp, oblystyń barlyq meshitterinde «Sybaılas jemqorlyqqa qarsy is-qımyldyń biryńǵaı saǵatyn» uıymdastyrýdy usyndy. Oblystyq, qalalyq, aýdandyq jáne aýyldyq meshitterdiń jamaǵattaryna juma namazy barysyndaǵy ýaǵyzdarda paraqorlyqtyń sharıǵat úkimi boıynsha kúná ekendigi, qoǵam jáne el úshin qaýiptiligi týraly tolyq túsindirý jumystary júrgizilmek.
Talqylaý barysynda Aqtaý qalasynyń Rımdik-Katolıktik shirkeýiniń jetekshisi A.Kalınovskıı, qoǵamda sybaılas jemqorlyqqa qarsy mádenıetti qalyptastyrý baǵytynda aqparattyq-nasıhat jumysyn júrgizetinin jetkizdi.
Is-shara kezinde qatysýshylarǵa respýblıka kólemindegi sybaılas jemqorlyq derekteri jınaqtalǵan beınerolık kórsetildi.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy