Qala bıligi qaýyrt saǵattarda júk kóligi qozǵalysyna shekteý engizedi, - dep habarlaıdy Astana ákimdiginiń baspasóz qyzmeti.
"Mundaı sheshimdi qabyldaýǵa elordadaǵy kólik aǵysynyń jalpy jyldamdyǵynyń tómendeýine júk kólikteriniń áseri sebep boldy. Búgingi tańda qalanyń aýmaǵynda 220-dan astam qurylys ýchaskeleri jumys isteýde, olardyń bárine júk tehnıkasy qyzmet kórsetedi. Sondaı-aq, júk mashınalary jyldamdyǵynyń baıaýlyǵy, olardyń ebedeısizdigi men kóleminiń úlkendigi sııaqty faktorlar joldarda apattyq-qaýipti jaǵdaılar týdyrýy múmkin, - delingen habarlamada.
Shekteý 14 mamyrda jumys kúnderi saǵat 07.00-den 09.00-ge deıin jáne 17.30-dan 20.00-ge deıin avtomobıl joldary shekaralarynyń aımaǵynda salmaǵy 3,5 tonnadan artyq júk kólikteriniń qozǵalysyna engiziledi. Ol 31 jeltoqsanǵa deıin qoıylyp otyr. Elorda ákimdigi mundaı shekteýlerdi Halyqaralyq "EKSPO-2017" kórmesin ótkizý kezinde qoldandy. Ol kezde qalanyń belgili bir ýchaskelerine júk kóliginiń kirýine saǵat 6:00-den 23:00-ge deıin shekteý qoıylǵan bolatyn.
Júk qozǵalysyna shekteý bekitilgen sulbaǵa sáıkes qala ishindegi belgilengen 18 ýchaskege qatysty bolady.