«Aýyl» partııasy uıytqy bolǵan «Qostanaı oblysy mysalyndaǵy aýyl sharýashylyǵy mashınalaryn jasaýdyń Qazaqstandaǵy mazmuny» degen taqyryptaǵy májiliske «Aýyl» partııasynyń tóraǵasy, Parlament Senatynyń depýtaty Álı Bektaev, Senat depýtaty, Senattaǵy Agrarlyq, tabıǵat paıdalanyý jáne selolyq aýmaqtardy damytý máseleleri jónindegi komıtet tóraǵasy Jeńis Nurǵalıev, Investısııa jáne damý mınıstrliginiń О́ndiristik damý jáne ónerkásiptik qaýipsizdik komıtetiniń tóraǵasy Almas Batanov, Aýyl sharýashylyǵy mınıstrligi ǵylymı-tehnologııalyq jáne tehnıkalyq saıasat departamentiniń dırektory Azat Sultanov, Aýyl sharýashylyǵy mınıstrligi Egin sharýashylyǵy ónimderin óndirý jáne óńdeý departamenti tehnıkalyq jabdyqtaý basqarmasynyń basshysy Baqyt Ilııasov, Qostanaıdaǵy «Agromashholdıng» mashına jasaý zaýyty dırektorlar keńesiniń tóraǵasy Dın Kım, oblystyq ákimdik ókilderi – oblys ákiminiń orynbasary Sergeı Karplıýk, oblystyq aýyl sharýashylyǵy basqarmasynyń basshysy Darhan Ábdikárimov, oblystaǵy basqa da aýyl sharýashylyǵy tehnıkasyn óndirý kásiporyndarynyń basshylary, aýyl sharýashylyǵy salasyndaǵy kásipkerler, taǵy basqalar qatysty.
Májiliste «Aýyl» partııasynyń tóraǵasy Álı Bektaev elimizdegi aýyl sharýashylyǵy tehnıkalarynyń qazirgi jaǵdaıyna sholý jasady. Elimizdegi paıdalanyp júrgen barlyǵy 152 629 traktordyń 54 paıyzyna 17 jyldan asyp ketken, ıaǵnı zaýyt belgilegen paıdalaný merzimi ótken. Onyń 20 paıyzy paıdalanýǵa jaramaıdy. 41 494 kombaınnyń 57 paıyzynyń merzimi 17 jyldan asyp ketken, 15 paıyzy paıdalanýǵa jaramaıdy. Jem shóp daıyndaıtyn 66 myńnan asa tehnıkanyń 65 paıyzy merziminen ótken, onyń da 15 paıyzy paıdaldanýǵa kelmeıdi. Topyraq óńdeıtin 381 myńnan asa tehnıkanyń da paıdalaný merzimi ótkeni 53 paıyzdy quraıdy, 22 paıyzy isten shyqqan. Al Qostanaı oblysyndaǵy qolda bar barlyq 11 721 tehnıkanyń merzimi 17 jyldan asyp ketken. 5 773 tehnıka esepten shyǵarylsa, 4373 tehnıka paıdalanýdan qalǵan.
«Osydan 20 jyl burynǵy ýaqytpen salystyrǵanda aýyl sharýashylyǵy kóp ilgeri basty damydy. Alaıda aýyl sharýashylyǵyn tehnkıkamen qamtamasyz etýde qolǵa alynatyn, atqarylar sharýa óte kóp. Halyqty azyq-túlikpen qamtamasyz etý maqsat bolǵandyqtan, áli-aq aýyldarda óńdeý zaýyttary salynady, avtomattandyrylady. Alaıda, aýyl sharýashlyyǵyn túgel mehanızasııalaýdy jaqsartpaı, sıfrlandyrý isi tolyqqandy múkin bolmaıdy» dedi Álı Ábidýkerimuly.
Májiliste Senat depýtaty Jeńis Nurǵalıev, Aýyl sharýashylyǵy mınıstrligi egin sharýashylyǵy ónimderin óndirý jáne óńdeý departamenti tehnıkalyq jabdyqtaý basqarmasynyń basshysy Baqyt Ilııasov, Qazaqstannyń Eńbek Erleri Saıran Buqanov pen Borıs Knıazev, taǵy basqalar aýyl sharýashlyǵy tehnıkasyn jasaý, satyp alý, servıspen qamtamasyz etý týraly bilikti pikirlerin ortaǵa saldy. О́zderiniń usynystaryn aıtty. Pikirler qorytylyp, Úkimetke jetkiziletin bolady.
Názıra Járimbet,
«Egemen Qazaqstan»
Qostanaı