Qazaqstan Respýblıkasynyń Prezıdenti Nursultan Nazarbaev Almaty qalasynyń ákimi Baýyrjan Baıbekti qabyldady, dep habarlaıdy Aqordanyń baspasóz qyzmeti.
Almaty qalasynyń sport ınfraqurylymyn, medısınalyq qyzmet kórsetý jáne sıfrlandyrý nysandaryn aralap kórgennen keıin, Nursultan Nazarbaevqa qala ákimi Baýyrjan Baıbek óńirdiń áleýmettik-ekonomıkalyq damý qarqyny, basty memlekettik baǵdarlamalardyń iske asyrylý barysy jáne aldaǵy josparlary jóninde baıandady.
«Almaty elimizdiń eń iri jáne kórikti qalasy bolyp qala bermek. Sol sebepti ákimdik qalaǵa degen súıispenshiligin kórsete otyryp, shynaıy yqylaspen jumys isteýi kerek. Men joldardyń, mektepter men balabaqshalardyń jóndelip, áleýmettik ınfraqurylymnyń jaqsara túskenin, sondaı-aq jańa aýdandardyń paıda bolǵanyn kórip otyrmyn. Bul jumysty turaqty túrde júrgizý qajet», - dedi Elbasy.
Kezdesý sońynda Qazaqstan Prezıdenti Almaty qalasyn odan ári damytý jóninde naqty tapsyrmalar berdi.