Nursultan Nazarbaev Almaty qalasyndaǵy «Kerýen-Medicus» jaýapkershiligi shekteýli seriktestigine bardy, dep habarlaıdy Aqordanyń baspasóz qyzmeti.
Memleket basshysy medısına ortalyǵynyń qyzmetimen tanysyp, klınıka ujymymen áńgimelesti.
«Dáriger emdelýshige qamqorlyqpen qarap, ásirese, analardy bosandyrǵanda óziniń meıirimin daryta bilýi qajet. Búkil Qazaqstan boıynsha zamanaýı quraldarmen jabdyqtalǵan kóptegen medısınalyq ortalyqtar salyndy. Dáriger - eń uly mamandyq ekenin árdaıym este saqtańyzdar. Sizderge tabys tileımin!», - dedi Qazaqstan Prezıdenti.
Sondaı-aq, Nursultan Nazarbaevqa medısına tehnıkalaryn óndirýshi Siemens, Karl Storz, General Electric, Drager, Hamilton jáne basqa da jetekshi kompanııalar usynǵan qazirgi zamanǵy qural-jabdyqtar kórsetildi.
Aıta keterligi, «Kerýen-Medicus» ǵımaraty 2017 jyly salyndy. Onyń jalpy aýdany - 10 myń sharshy metr. Klınıkada naqty ýaqyt rejiminde 3D-formatyndaǵy kúrdeli operasııalar jasalady. Medısınalyq ortalyq Koreıanyń Severance Hospital, Germanııanyń Freiburg University Klinik, Seýl ulttyq ýnıversıtetiniń Býndan klınıkalarymen, sondaı-aq Eýropanyń jetekshi klınıkalarynyń ókili - Puls Global kompanııasymen kadr daıarlaý jóninde yntymaqtastyq ornatqan.