Semeıde Otan qorǵaýshylar kúni men Jeńistiń 73 jyldyń merekesine oraı ınternasıonalıst jaýyngerlerdi eske alyp, taǵzym etýge arnalǵan mıtıng-jıyn ótti.
Jıynǵa qala ákimi Ermak Sálimov qatysyp, ótken tarıhymyzdy umytpaý, qadirlep, este ustaý jaıly aıtyp, sóz sóıledi. Jıynǵa qatysýshylar ortalyq kóshede ornalasqan «Aza tutý» monýmentine gúl shoqtaryn qoıdy. Bul monýmentte 46 semeılik ınternasıonalıst jaýyngerdiń esimi jazylǵan. Olar sol aýǵan soǵysynan qaıtpaǵan sardarlar men sarbazdar, biraq olardy týǵan jeri eshqashan umytpaıdy, dedi qala basshysy.
Mıtıngke Keńestiń Armııa ardagerleri, «Shyǵys» óńirlik áskerı qolbasshylyq, Shoqan Ýálıhanov atyndaǵy «Jas ulan» erler lıseıi men qala turǵyndary qatysty.
Raýshan NUǴMANBEKOVA
Semeı