Búgin 9 mamyr - Uly Jeńis kúnin oraı Úkimet pen Parlament basshylary Otan qorǵaýshylar monýmentine gúl shoqtaryn qoıyp, saltanatty sharaǵa jınalǵan ardagerlermen suhbattasty, dep habarlaıdy elorda ákimdiginiń resmı saıty.
Saltanatty sharaǵa QR Prezıdenti Ákimshiliginiń jetekshisi Ádilbek Jaqsybekov, QR Premer-Mınıstri Baqytjan Saǵyntaev, QR Parlamenti Senatynyń tóraǵasy Qasym-Jomart Toqaev pen QR Parlamenti Májilisiniń tóraǵasy Nurlan Nyǵmatýlın qatysty. Olar aldymen Otan qorǵaýshylar monýmentine gúl shoqtaryn qoıdy. Sodan keıin jıynǵa kelgen halyqpen birge surapyl soǵysta qaza bolǵandardy bir mınýt únsizdikpen eske aldy. Jıyn sońynda Qazaqstannyń Ánurany oryndaldy.