Beıbit ómir men egemendiktiń berik tiregi

Birinshi kezekte parad qolbasshysy – Qazaqstan Respýblıkasy Qarýly Kúshteri Qurlyq áskerleriniń bas qol­basshysy, general-maıor Murat Bekta­nov Memleket basshysy – Qarýly Kúsh­terdiń Joǵarǵy Bas qolbasshysy Nursultan Nazarbaevqa áskerı sherýdi ótki­zýge jáne aýmaqtyq áskerler qura­ma­laryna jaýyngerlik týlardy tapsy­rý rásimine daıyn ekendigi jóninde baıan­dady.

Budan keıin Qazaqstan Respýblı­kasy­nyń Prezıdenti N.Nazarbaev ardager­lerdi, sarbazdar men ofıserlerdi Otan qorǵaýshy kúnimen quttyqtap, elimizdiń Qarýly Kúshteri qaýipsizdigimizdiń bas­ty kepili, Otanymyzdyń beıbit ómiri men egemendigimizdiń berik tiregi bolyp sanalatynyn atap ótti.

– Qymbatty qazaqstandyqtar, sardarlar men sarbazdar! Qadirli ardagerler! Barshańyzdy Otan qorǵaýshy kúnimen shyn júrekten quttyqtaımyn. Bahadúr babalar Uly dalamyzdy aq bilektiń kúshimen, aq naızanyń ushymen qorǵap, ony bizge amanat etip qaldyrdy. «Urandy eldiń urpaǵy aıbarly keledi» degen dana halqymyz. Búgingi aıbyndy armııamyz úshin eldiń tynyshtyǵyn saqtap, Táýelsizdiktiń qorǵany bolý mártebeli zor mindet. Jaýjúrek jaýyngerlerdiń kóteretin júgi aýyr. Biraq ol abyroıly borysh, qasterli paryz. Qarýly Kúshterimiz halqymyzdyń senimdi tiregi, memlekettiń berik qalqany. Qazaqstannyń áskerı qyzmetshileri – barlyq dáýirdiń tarıhyndaǵy eń surapyl soǵysta fashızmdi jeńgen batyr babalarymyzdyń jaýyngerlik erlikteri men dańqyn jalǵastyratyn laıyqty urpaq. Biz olardyń týǵan jerimizdiń órkendeýi men beıbit ómirimizdi saqtaý úshin kórsetken kózsiz batyrlyǵy men óshpes erligin árdaıym jadymyzda saqtaımyz, – dedi Elbasy.

Memleket basshysy óz sózinde ár sarbaz Otan qorǵaýshy retinde óziniń el aldyndaǵy boryshy men mindetin tereń sezinýi tıis ekenin atap ótti.

– Jaýyngerlik Tý týǵan jerge adaldyqtyń, erlik pen batyldyqtyń nyshany bolyp tabylady. Qasıetti baıraq rýhy bıik, erjúrek sarbazdardy árdaıym jeńiske jeteleıdi. Baýyrjan Momyshulynyń «Batyrlyq ósken ortaǵa, kórgen tárbıege baılanys­ty qa­lyp­tasady», degen sózi bar. Aza­mat­tarymyzdy otansúıgishtikke tárbıeleý isin­de áskerı dástúr mańyzdy ról atqa­rady. Ár sarbaz Otan qorǵaýshy retinde óziniń el aldyndaǵy erekshe jaýap­kershiligin sezinýi tıis. Qarýly Kúshteri­mizde jigerli jigitter qatarynda aıaýly arý­larymyz da áskerı qyzmetti abyroı­men atqaryp keledi. Sondyqtan búgingi mereke er azamattarmen qatar sap tú­zegen qaısar qyzdarymyzǵa da ortaq. Mem­leket Otan qorǵaýshylarǵa erekshe qam­qorlyq kórsetip keledi, kórsete be­redi. О́tken jyly áskerı qyzmetker­lerdiń jalaqysy 25 paıyzǵa artty. Áskerılerdi turǵyn úımen qam­tamasyz etý máselesi sheshimin óz retimen taýyp jatyr. Munyń bári Qarýly Kúshter sarbazdarynyń ar-namysy men aıbynyn arttyrýǵa jol ashady. Sondyqtan men sizderdi áskerı antqa adal bolady dep senemin, – dedi Elbasy.

Prezıdent óz sózinde búginde eli­miz­diń dáıekti ári beıbitsúıgish saıasat júr­gizip otyrǵanyn atap ótti. Bul oraıda Qazaq­stan áskeri elimizdiń Táýelsizdigin kúze­tip, Ujymdyq qaýipsizdik shart uıy­my aıasynda ujymdyq qaýipsizdikti qamta­masyz etýde aıanbaı eńbek etip keledi. Sonymen qatar Birikken Ult­tar Uıymy sheńberinde mańyzdy bitim­ger­shilik mindetterdi de laıyqty túrde atqarýda.

Jaýyngerlik parad kezinde Elbasy memleket tarapynan armııamyzǵa meı­linshe qoldaý kórsetilip, onyń áleýetin ny­ǵaıtýǵa zor mán beriletinin jáne Qazaq­stan 2030 jylǵa qaraı zamanaýı, mo­bıl­di ári joǵary kásibı ásker jasaqtaý jó­ninde maqsat qoıyp otyrǵanyn atap ótti.

– Bul úshin 2020 jyldan bastap qor­ǵanys salasyna qajetti qarajat bóli­netin bolady. Qaýipsizdikke tónetin ja­ńa syn-qaterlerge oraı tıimdi áreket etý úshin Arnaıy operasııalardyń joǵa­ry mobıldi kúshteri men Aýmaqtyq ásker­ler qurylyp, qorǵanys júıesine birikti­rildi. Jańa bólimder búgin tabys etilgen jaýyngerlik týlardy laıyqty alyp júretinine senimdimin, – dedi Prezıdent.

Osy arada sál shegine sóılesek, ege­mendik alǵan kúnnen bastap tatýlyq pen birlikti tý etip, yntymaqty yrysy­na balaǵan elimizdiń bul kúnde álem mem­leketteriniń aldynda abyroıy asqaq, bedeli bıik. Ejelden aıbyny asqaq, rýhy ór halyqtyń dalalyq danyshpandyǵy men kenen kóregendigi búginde Elbasy saıasa­ty­nyń negizgi ózegine aınalyp otyr. Babalardyń ónegesi men qaıtalan­bas erligi táýelsizdik jyldarynda eli­miz­diń bolmysynda jańasha túlep, Otan degen uly uǵymnyń, qasterli ataý­dyń máni men mańyzy erekshelene tústi. Táýelsiz Qazaqstannyń áleýeti joǵa­ry áskeri qalyptasty. Áskerı qyzmet­shilerge, sarbazdarǵa degen memlekettiń qamqor­lyǵy men qoldaýy artty. Ásirese egemen elimizdiń bolashaǵy bolyp sanalatyn jastardyń boıynda patrıottyq tárbıe qalyptastyrý, olardy otansúıgishtikke baýlý, týǵan jerge qurmet kórsetý, el aıbynyn asyrý jolynda aıanbaı eńbek etý Elbasy belgilep bergen naqty maqsat pen mindettiń kórinisi.

 Elbasy Nursultan Nazarbaev «Erkin elde ósken urpaqtyń rýhy árdaıym bıik bolýy tıis. Jastary jalyn júrekti, órshil namysty, bıik rýhty bolsa – ol eldiń eńsesi de bıik bolady. О́rshil, namysshyl jas otanshyl, patrıot ke­ledi, halqyna, óz ultyna adal qyzmet etý­ge umtylady», degen bolatyn. Búgin­de damýdyń dańǵyl jolyna túsken Qazaq­stan áskeriniń áleýeti, múmkindigi álemge áıgili. Al áskerı sala sapyndaǵy qyzmetshiler de, sarbazdar da el birligin saqtaýda, qaýipsizdikti qadaǵalaýda qyra­ǵylyq tanytyp keledi.

 Otan qorǵaý – uly uǵym. Osy oraıda Elbasy Jarlyǵymen 7 mamyr – Otan qorǵaýshy kúni bolyp belgilendi. Bul kúni elimiz boıynsha áskerı qyzmetshiler sap túzep, elimizdiń qorǵanys salasynyń qarqynyn dúıim jurtqa pash etip keledi. Al bıylǵy aıtýly merekeniń máni men mańyzy jyldaǵydan aıryqshalanyp, el tarıhyndaǵy taǵylymdy sátterdiń sáýleli kezeńderin qalyptastyrdy.

Otan qorǵaýshy kúnin merekeleý sheń­berinde Elbasy – Qa­zaq­stan Respýb­lıkasy Qarýly Kúshteriniń Joǵar­ǵy Bas qolbasshysy Nursultan Nazar­baevtyń qatysýymen Jambyl oblysy Qordaı aýdany Gvardeıskıı kentinde ornalasqan «Otar» 40-shy áskerı bazasynda ótken bul áskerı sherý eki bólimnen turdy. Alǵashqy bólimde aýmaqtyq qorǵanys brıgadalarynyń jaýyngerlik týlary oblystardyń, son­­daı-aq Astana jáne Almaty qala­lary­nyń ákimderine tapsyryldy. Ákim­derge Tý tapsyrý rásiminen keıin Ar­naýly opera­sııalar kúshteriniń, Memlekettik kúzet qyz­metiniń, Ulttyq ulannyń, Áskerı-teńiz kúshteriniń arnaýly maqsattaǵy otrıa­dynyń, sonymen qatar aýmaqtyq ás­kerlerdiń áskerı qyzmetshileriniń pa­rad­qa qatysýshy quramdary sap túzep ótti.

Jaýyngerlik paradtyń ekinshi bólimindegi zamanaýı qarý-jaraq pen áskerı tehnıkany urysta qoldana otyryp, barlaý-áskerı bólimsheleriniń shynaıy taktıkalyq is-qımyly kelýshilerdi beı-jaı qaldyrmady. Zańsyz qarýly qurylymdardyń shartty bazasyn joıý jónindegi taktıkalyq epızodtardy oryndaý barysy Qazaqstan Qarýly Kúshteriniń kemeldigin kórsetti. Jaýyngerlik parad kezinde kópshilik tamashalaǵan «Tochka-Ý» taktıkalyq zymyran kesheni, «Grad» jáne «Prıma» dúrkindetip otshashý zymyran júıesi, MSTA-B jáne D-30 zeńbirekteri, «Solnsepek» aýyr otshashqysh zymyran júıesi, «Shtýrm-S» tankige qarsy zymyran kesheni jáne Raketa áskerleri men artıllerııanyń basqa da qarý túrleriniń múmkindikteri atalǵan paradtyń joǵary deńgeıde uıymdastyrylǵanyn kórsetti. 

Baıtaq dalamyzdyń birligin áıgileıtin, egemen elimizdiń ereksheligin tanytatyn kórinister kelýshilerdiń óz Otanyna degen patrıottyq jáne maqtanysh sezimderin oıatty.

Sonymen qatar 3 myńǵa jýyq áske­rı qyzmetshi, 300 birlik qarý-jaraq pen 40 birlik ushý apparaty jumyl­dyrylǵan jaýyngerlik parad barysynda Qurlyq áskerleri jáne Áýe qorǵa­nysy kúshteriniń áskerleri zymyran atyp, bomba laqtyrdy, sondaı-aq bar­lyq qarý túrinen oq atty. Al Áskerı-áýe kúshteriniń maıdandyq jáne ás­kerı avıasııasynyń ushaqtary men tikushaq­tary aspanǵa kóterilip, áýe is-qımyl­daryn kórsetti. Áýede óz she­ber­likterin maıdandyq, armııalyq jáne áskerı-kólik avıasııasy, S-295 sý ja­ńa áskerı-kólik ushaqtary men Sý-30 kóp­ nysanaly joıǵyshtary pash etti. Parad kezinde «Jetisý Barysy» ushqyshtar toby joǵary deńgeıde sheberlik tanytty.

Bul Elbasy – Qazaqstan Respýblıkasy Qarýly Kúshteriniń Joǵarǵy Bas qol­bas­shysy Nursultan Nazarbaevtyń qa­ty­sýymen el aýmaǵynda ótken, mem­leketimiz úshin tarıhı mańyzy zor ekinshi jaýyngerlik parad bolyp tabylady. Bıylǵy jylǵy paradtyń ereksheligi, zamanaýı qarý-jaraq pen áskerı tehnı­kany, avıasııany jaýyngerlik tur­ǵy­da qoldana otyryp, barlaý bólim­she­leriniń shynaıy taktıkalyq is-qımyl­daryn kórsetý boldy. Qazaqstan ásker­leriniń is júzindegi áreketterin jurtshy­lyq respýblıkalyq telearnalar jáne Qorǵanys mınıstrliginiń resmı saı­ty arqyly tikeleı efırden tamashalady. So­nymen qatar polıgon aýmaǵynda júr­gizilgen komandalyq-shtabtyq jattyǵý­lardyń nátıjesinde kórermender Qazaq­stan armııasynyń jan-jaqty múmkin­digine kýá boldy.

Jaýyngerlik parad sońynda Qazaq­stan Respýblıkasynyń Prezıdenti Nursultan Nazarbaev áskerı tehnıka men qarý-ja­raqtyń zamanaýı úlgileri­men tanysty. So­nymen qatar Elbasy Jaýyngerlik pa­­radqa qatysýshy azamat­tarǵa dalalyq jer­degi urysta kórset­ken sheberlikteri, oq atý sátindegi mergen­dikteri jáne jaýyn­­ger­lik daıyndyqtary úshin alǵy­syn bildirdi.

 – Áskerı parad sizderdiń jaýyngerlik sheberlik deńgeılerińizdi jáne daladaǵy jattyǵýlarǵa beıimdelgenderińizdi naqty kórsetti. Parad Qazaqstan Respýb­lıkasy Qarýly Kúshteriniń jaýyngerlik daıyndyǵy men kásibı deńgeıiniń odan ári arta túsýine septigin tıgizedi dep senemin, – dedi Nursultan Nazarbaev.

Sonymen qatar Qazaqstan Res­pýb­lıkasy Qarýly Kúshteriniń Joǵarǵy Bas qolbasshysy barsha azamattardy Otan qorǵaýshy kúnimen jáne Uly Jeńis kú­nimen quttyqtady.

Otan qorǵaý – memleket aldyndaǵy mártebeli mindettiń biri. Zamanynda bórili baıraq kótergen babalarymyzdyń ama­natyna adaldyq – búgingi paryz. El­­basy senimi árdaıym el azamatta­ry­na sony serpin berip, bıik rýh syılaıtyny, sonymen qatar Otan úshin zor jaýapkershilik artatyny aqıqat. Eshqashan Týy tómen túspegen, eńsesi eńkeımegen elimizdiń baıraǵy bolashaqta da bıikte jelbireı beretinine senim mol!

Ǵalym SÚLEIMEN,

Hamıt ESAMAN,

«Egemen Qazaqstan»

Jambyl oblysy,

Qordaı aýdany