Qazaqstannyń Syrtqy ister mınıstrligi 2018 jylǵy 14-15 mamyrda Astana prosesi aıasynda kepilger elderdiń Sırııa boıynsha kezekti IH Halyqaralyq joǵary deńgeıdegi kezdesýi Astanada ótetinin rastady.
Kezdesýge kepilger memleketter – Iran, Reseı jáne Túrkııadan basqa Sırııa úkimeti men oppozısııalyq toptardyń delegasııalary, sondaı-aq BUU jáne baqylaýshylar retinde AQSh pen Iordanııa shaqyryldy.
Kepilger elderden túsken aqparatqa sáıkes, Astanadaǵy kelissózder barysynda taraptar Sırııadaǵy, onyń ishinde deeskalasııa aımaqtaryndaǵy qazirgi jaǵdaıdy qarastyrýǵa, gýmanıtarlyq máselelerdi jáne senimdi nyǵaıtý sharalaryn talqylaýǵa, sondaı-aq osy arab elindegi daǵdarysty retteý úderisin ilgeriletý boıynsha kelesi qadamdardy úılestirýge nıetti.
Ekijaqty jáne kópjaqty konsýltasııalardy 14 mamyrda, al plenarlyq otyrysty 15 mamyrda ótkizý josparlanýda.