Shymkentte toqyma ónerkásibine arnalǵan, kórshi О́zbekstan elimen birlese uıymdastyrylǵan kórme ótýde.
«Ońtústik Qazaqstan-О́zbekstan» kórmesine kıim jáne teriden jasalǵan ónimder, farmasevtıka, jıhaz, sývenırler, sporttyq taýarlar men oıynshyqtar óndiretin ońtústikqazaqstandyq jáne ózbekstandyq 60-qa jýyq kásiporyn qatysýda. Kórme jumysymen tanysqan oblys ákimi J.Túımebaev eki eldiń ózara yntymaqtastyq qarym-qatynasynyń jáne saýda - ekonomıkalyq baılanysynyń budan ári damı túsetinine senim bildirdi. Búgingi tańda Ońtústik Qazaqstan oblysyndaǵy myńnan astam kásiporyndar men mekemeler saýda, ónerkásip, aýyl sharýashylyǵy, qurylys jáne qurylys materıaldary, medısına jáne bilim salasynda О́zbekstan kásipkerlerimen yntymaqtastyq ornatqan. Kórme jumysy eki kúnge sozylmaq. Sondaı-aq, óńirde О́zbekstannyń Qazaqstandaǵy kúnderi aıasynda josparlanǵan is-sharalar sheńberinde kásipkerler men ınvestorlardyń qatysýymen «Aımaqtyq yntymaqtastyq jáne ıntegrasııa: ótkizý naryǵyn keńeıtý arqyly eki eldiń kásipkerleriniń básekege qabilettiligin arttyrý» atty ǵylymı-tájirıbelik dóńgelek ústel uıymdastyrylmaq.
Aıta ketelik, ótken jyldyń qorytyndysy boıynsha О́zbekstanmen syrtqy saýda aınalym kólemi 2,0 mlrd. AQSh dollaryna jetse, onyń 30 paıyzy Ońtústik Qazaqstan oblysyna tıesili. Iаǵnı, 2017 jyldyń qorytyndysy boıynsha О́zbekstanmen syrtqy taýar aınalym 16,8 paıyzǵa artyp, 622,6 mln. AQSh dollaryn qurady. Onyń ishinde eksport kólemi – 252,8 mln. AQSh dollary, ımport – 369,8,8 mln. AQSh dollary boldy.
Erkin DOSYMBAI,
Ońtústik Qazaqstan oblysy