Qyzylorda qalasyndaǵy Ǵ.Muratbaev atyndaǵy ortalyq stadıonynda Qazaqstan Respýblıkasy Bilim jáne ǵylym mınıstrligi «Ulttyq ǵylymı-praktıkalyq dene tárbıesi ortalyǵynyń» uıymdastyrýymen «Astana qalasynyń 20 jyldyq» mereıtoıyna arnalǵan mektep pen kolledj oqýshylary arasyndaǵy Qazaqstan Respýblıkasynyń IH-jazǵy Spartakıadasynyń ashylý saltanaty ótti.
Jarystyń ashylý saltanatynda Qazaqstan Respýblıkasy bilim jáne ǵylym mınıstrligi «Ulttyq ǵylymı-praktıkalyq dene tárbıesi ortalyǵynyń» bas dırektory Sadyq Mustafaev sóz sóılep, jasóspirimderge sáttilik tiledi.
Spartakıadanyń ashylý saltanatyna Qyzylorda oblysy máslıhatynyń hatshysy Naýryzbaı Baıqadamov, Qyzylorda oblysy bilim basqarmasy basshysynyń mindetin atqarýshy Aqzıra Qasymova, Qyzylorda oblysy Aımaqtyq dene tárbıesi metodıkalyq ortalyǵynyń dırektory Baýyrjan Ábenǵalıev jáne elimizdegi oblystardyń Aımaqtyq dene tárbıesi metodıkalyq ortalyqtarynyń dırektorlary qatysty.
Baqtııar TAIJAN,
«Egemen Qazaqstan».
Qyzylorda oblysy.