Bilim basqarmasynyń mamandary bergen aqparat boıynsha bıyl jazǵy demalyspen 60 myń bala qamtylady.
Olardyń toǵyz myńy – jetim balalar jáne áleýmettik az qamtylǵan otbasylardan shyqqan. Bul maqsat úshin qazynadan 63 mıllıon 674 myń teńge qarastyrylǵan. 13 lager jaz boıy jumys isteıdi. «Baldáýren» respýblıkalyq saýyqtyrý ortalyǵyna 224, «Bóbek» ulttyq ǵylymı-tájirıbelik, bilim berý jáne saýyqtyrý ortalyǵyna 70 joldama bólingen. «Solnechnyı» balalar shıpajaıy 750 búldirshindi qabyldaıdy.
Jazǵy kanıkýldy ár bala taǵatsyzdana kútetindikten demalysty tıimdi uıymdastyrýdy jan-jaqty qarastyryp otyrmyz. Jyl saıyn áleýmettik jaǵynan az qorǵalǵan otbasylardyń balalaryn saýyqtyrýǵa, tamaqtandyrý sapasyna, túrli mádenı-sporttyq jarystar men tanymdyq oıyndarǵa, kórikti jerlerge, tabıǵa aıasyna serýendeýge, qaýipsizdik sharalaryna basa nazar aýdarylady», deıdi bilim basqarmasynyń bólim jetekshisi Anatolıı Tarahtýn.
Maǵjan Jumabaev aýdanyndaǵy «Aq qaıyń» saýyqtyrý lageri 5 aýysymda jumys istep, 550 balaǵa qyzmet etpek. Onyń dırektory Murat Ortamyshevtyń aıtýyna qaraǵanda bıyl qabyldanatyn 550 oqýshynyń 300-ge jýyǵynyń áleýmettik jaǵdaıy tómen. Lagerde barlyq jaǵdaı jasalǵan. Karýsel, klýb, monsha, eki basseın, tennıs ortalyǵy jumys isteıtin bolady.
О́mir ESQALI, «Egemen Qazaqstan»