EKSPO aýmaǵynda pavılondardy qaıta qurý ǵana emes, sonymen qatar kórme kesheniniń saıabaq aımaǵyn abattandyrý jáne kógaldandyrý boıynsha aýqymdy jumystar júrgizilip jatyr.
Búgin «Astana EKSPO-2017» UK qyzmetkerleri «Biz taza astana úshin!» qalalyq senbilik aıasynda saıabaqqa 300 kóshet otyrǵyzdy. Bul sharaǵa 30 birlik arnaıy tehnıka jumyldyryldy. Osylaısha ulttyq kompanııa EKSPO aýmaǵynda elorda turǵyndary men qonaqtaryna yńǵaıly bolý úshin barlyq jaǵdaıdy jasap otyr, sondaı-aq Astananyń jasandy jasyl beldeýin damytýǵa aıtarlyqtaı úles qosady.
EKSPO saıabaǵy Táýelsizdik Monýmenti jaǵynan jalǵastyrylady. Jaqyn arada ýaqytsha turǵyzylǵan ǵımarattar ornyna Dıý Soleı sırki, Shell pavılony ornyna jelekjol jáne múmkindikteri shekteýli balalarǵa arnalǵan biregeı oıyn alańy, otty shoý elementteri bar sýburqaq, qoǵamdyq tamaqtaný beketteri ashylady.
Budan ózge «Astana EKSPO-2017» UK-y elordanyń 20 jyldyǵyn merekeleýge jáne jaz, kúz maýsymynda mádenı-oıyn-saýyqqa toly baǵdarlama ázirlep jatyr.