Uly aqyn Abaı Qunanbaevtyń týǵan kúnine oraı latyn grafıkasymen alǵash ret qazaq-ózbek tilderinde gazet shyǵarý josparlanyp otyr, dep habarlaıdy «QazAqparat».
Bul týraly Halyqaralyq Túrki akademııasy men О́R Jazýshylar odaǵynyń kezdesýinde Qazaqstan Respýblıkasynyń О́zbekstandaǵy Tótenshe jáne ókiletti elshisi Erik О́tembaev málim etti.
«Búgin biz birlesken kitap-jýrnaldardy ázirleý isine jaqsy negiz bolatyn yntymaqtastyqtyń ózekti máselelerin talqyladyq. Latyn grafıkasymen basylatyn birlesken gazetti shyǵarý jóninde kelisimge qol jetkizildi. Bul máselede О́zbekstannyń tájirıbesi, jaqsy ádisnamalyq negizderi bar. Latyn grafıkasymen jańa shyǵarmalardy shyǵarýǵa bolady. Bul oqyrmandarǵa О́zbekstan jáne Qazaqstan ómiri týraly kóbirek bilý múmkindigin beredi. Budan tys, eki eldiń jazýshylar odaǵynyń ortaq tarıhyn sıpattaıtyn ári shyǵarmashylyqpen aınalysatyn búkil zııaly qaýymǵa arnalǵan jol kartasyn jasaý máselesin qaradyq. Biz eki halyqtyń bolashaǵyn kórsetýimiz qajet. Ondaı jol kartasy jańa týyndylardyń ómirge kelýine túrtki bolyp, tamam halyqqa qoljetimdi bolady. Ústimizdegi jyldyń tamyz aıynda, uly aqyn Abaı Qunanbaevtyń týǵan kúnine oraı alǵashqy gazetti shyǵarýdy josparlap otyrmyz. Sonymen qatar, О́R prezıdentiniń qaýlysymen jyl saıyn «Abaı oqýlary» ótkizilmek», - deıdi Erik О́tembaev.