Memleket basshysy Batys Qazaqstan oblysyna jumys sapary barysynda tutas jıhaz jasaýdyń tehnologııalyq úderisimen tanysty. Bul týraly akorda.kz habarlady.
Qazaqstan Prezıdentine kásiporynnyń qazirgi qarjy-sharýashylyq jaǵdaıy týraly málimet usynylyp, óndiris aýqymyn ulǵaıtý jáne daıyn ónim tizbesin keńeıtý jospary jóninde baıandaldy.
Sondaı-aq, fabrıkany aralaý kezinde Nursultan Nazarbaevqa óńirdiń áleýmettik-ekonomıkalyq damý barysy, sonyń ishinde ónerkásip sektorynyń, shaǵyn jáne orta bıznestiń qazirgi ahýaly men perspektıvalary jóninde baıandaldy.
Budan bólek, kásiporyn aýmaǵynda Memleket basshysyna ındýstrııalyq-ınnovasııalyq damý baǵdarlamasy aıasynda júzege asyrylyp jatqan jobalar tanystyryldy. Atap aıtqanda, fın tehnologııasy boıynsha turmystyq qatty qaldyqtardy qaıta óńdeý júıesin jańǵyrtý, iri qara men usaq maldyń terisin óńdeý, nan jáne makaron ónimderin óndirý, hımııa óndirisi, dızel otynynyń komponentterin gıdrotazalaý jónindegi jobalar bar.
***
«Kvant» kompanııasy porolon, matras, tutas jáne jumsaq jıhaz jasaýmen aınalysady. О́ndiriste qoldanylatyn barlyq materıal ekologııalyq turǵydan taza ári memlekettik standarttarǵa saı keledi.
Jıhaz eýropalyq taýar óndirýshilerdiń zamanaýı qural-jabdyǵymen ozyq tehnologııalar qoldanyla otyryp jasalady.