Búgingi tańda qyzmet kórsetýshiler, qaýipsizdik, saýda, qoǵamdyq tamaqtaný, kúzet, mektepke deıingi bilim salasy mamandary suranysqa ıe, dep habarlaıdy elorda ákimdiginiń resmı saıty.
Astana qalasy jumyspen qamtý ortalyǵynyń kómegine jyl basynan jumysqa turý máselesi boıynsha 6 481 adam júgindi. Olardyń 2 652-si jumyssyzdyqtan áleýmettik qorǵaý sharalarymen qamtyldy. Jumyspen qamtylǵandardyń 253-i – múmkindigi shekteýli azamattar. Naqtyraq aıtqanda, turaqty jumys oryndaryna 1 353 adam, áleýmettik jumys oryndaryna 104 adam ornalassa, 929 adam qoǵamdyq jumystarǵa tartyldy. Oqý oryndarynyń 279 túlegi jastar tájirıbesi boıynsha taǵylymdamadan ótýde.
2018 jyly qysqa merzimdi kásibı kýrstarmen 700 adam qamtylady dep josparlanǵan. Aspaz, elektr jóndeýshi, elektr-gaz dánekerleýshi, tiginshi, shashtaraz, kran mashınısti sııaqty mamandyqtar boıynsha 135 adam kýrstarǵa jiberildi.
Astana qalasy boıynsha www.enbek.kz portalynda 2 265 jumys berýshi usynǵan 4 985 bos jumys orny tirkelgen.