Merekelik medaldar tapsyryldy

Keshe Almaty qalasynyń ákimi Ahmetjan  Esimov Memleket bas­shysy N.Nazarbaevtyń Jarlyǵymen  marapattalǵan elimizdiń bir top memleket qaıratkerlerine, Almaty qalasynyń qurmetti aza­mattaryna, mádenıet jáne óner ókilderine «Qazaqstan Res­pýblıkasy Táýelsizdigine 20 jyl» merekelik medalin  tabys etti. – Osydan  jıyrma jyl buryn bizdiń qalamyzda   Qazaqstannyń táý­elsizdigi jarııalanyp, elimizdiń tuńǵysh   Prezıdentin  ulyqtaǵan ınaý­gýrasııa ótip, zańdar, halyq­ara­lyq qujattar, kelisimder   qa­byl­danǵany barshaǵa málim, – dedi jıyndy ashqan  qalabasy Ahmetjan Smaǵululy. –  Elbasymyz qa­shanda Almatyny «Táýelsizdigi­miz­diń altyn besigi» dep áspettep, qurmetteıdi. Onyń ústine, búginde Almatynyń elimiz ómirindegi qaı salada bolsyn orny erekshe. Son­dyqtan  Elbasymyz keńes dáýiri kezinde eleýli eńbek jasaǵan úlken aǵalarymyzdan bastap, ózderine tıesili  qyzmetterin abyroımen at­qa­ryp jatqan keıingi býyn ókil­de­rin   merekelik medalmen marapattap otyr. Oǵan ıe bolǵandar arasynda   Shota Ýálıhanov, Erık Gýkasov, Asqar Qulybaev, Bıbigúl Tóle­ge­no­va, Keńes Aýhadıev, Sháken Nııaz­bekov, Nurlan Orazalın, Eren­­ǵaıyp Shaıhýtdınov, Shámsha Berkimbaeva, Jansaıa Sábıtova, Gúlnar Yqsanova, Marfýǵa Aıt­qojına, Álibek Dinishev, Muratbaı О́k­she­baev, taǵy basqalary bar. – Qazaqstan osy jıyrma jyl­dyń ishinde barlyq kórsetkishter boıynsha adam tanymastaı ózgerdi, – dedi merekelik medalǵa ıe bol­ǵan­dar atynan sóz alǵan qoǵam jáne memleket qaıratkeri, Almaty qalasynyń qurmetti azamaty  Sul­tan Jıenbaev. –  Oǵan búkil álem tańǵalyp otyr. О́ıtkeni, osy ýa­qyt aralyǵynda Qazaqstannyń eko­no­mı­kasy on eki esege artqan. Me­niń­she, mundaı kórsetkishke osynshama az ýaqyttyń ishinde eshqandaı el  qol jetkize alǵan joq. Sondaı-aq, osy jıynda óz oıyn bildirgen eńbek ardageri Keńes Aýhadıev babalarymyz ańsaǵan  táýelsizdik jyldary ómir súrip otyrǵanymyzdyń ózi úlken baqyt ekenin tilge tıek ete kelip:  «Men eki jaǵdaıdy aıtqym keledi. Onyń biri  ólara kezde Nurekeń táýel­siz­dik tizginin qolyna alyp, eldi qı­ynshylyqtan alyp shyqty. Ekinshisi, sol qıyn ýaqytta asta­na­myz­dy Aqmolaǵa kóshiremiz dep usy­nys jasap, sheshim qabyldaý ba­tyr­lyq dep aıtýǵa bolady. Al endi búgin qaraıyqshy, Astanamyz  tórt­kúl dúnıege belgili erekshe, búgingi zamanǵa saı qala. Al Al­matymyz gúl qalaǵa aınalyp otyr. Bir metronyń ózi nege turady. Budan bizdiń bolashaǵymyzdyń jarqyn bolatynyna esh kúmán keltire almaımyz», dedi. Gúlzeınep SÁDIRQYZY.