Búgin QMDB-nyń Semeı aımaǵy boıynsha ókil ımamy Maqsat Altybaı Semeı qalasynyń aqparattyq ortalyǵynda qasıetti Ramazan aıynyń kelýine oraı baspasóz máslıhatyn ótkizdi.
Jıynǵa Semeıdegi Qos munaraly ortalyq meshittiń naıb ımamy Bekzat Baeshov te qatysyp otyrdy. Baspasóz máslıhatynda sóz alǵan ókil ımam Maqsat Altybaı bıyl oraza QMBD-niń pátýasy boıynsha 17 mamyrda bastalyp, 14 maýsymda aıaqtalatyndyǵynan habardar etti. Musylmandar Ramazan aıynda 29 kún aýyz bekitedi eken.
- Maýsymnyń 11-nen 12-sine qaraǵan tún Qadir túni,-dedi Maqsat qajy Altybaı,-sáresi ishý tań namazynyń kirýine 10 mınýt qalǵanda toqtatylady. Aýyzdy aqsham namazynyń ýaqyty kelgende qurmamen ne sýmen ashý saýap. Qurmany birinshi ataıtynymyz, bunyń ózinde úlken qasıet jatyr. Taraýyh namazy Quptan namazynan keıin oqylady, al Útir-Ýájip namazy eń sońynan jamaǵatpen oqylady. Osyndaıda oqyrmandarymyz, namaz oqymaıtyn adam oraza ustaýǵa bola ma dep surap jatady. Árıne, ustaýǵa bolady. 15 maýsym Juma kúni Oraza aıt meıramy bastalady. Aıt namazy Semeıde tańǵy 07.00-de oqylady.
Maqsat Qajy Altybaıdyń aıtýynsha bıyl da arnaıy qarı kelip, Quran Qatym túsiriledi. Oraza saýaby mol aı bolǵandyqtan, jetim-jesir, miskin, jaǵdaıy joq adamdar tizimge alynyp, meshit tarapynan qaıyrymdylyq kómekter beriledi. Pitir sadaqanyń mólsheri bıyl Qazaqstan boıynsha jan basyna 300 teńge bolyp bekitildi. О́kil ımam Maqsat Altybaı orazaǵa qatysty kóptegen túsinikter berip, qasıetti aıda qalada atqarylar aýqymdy is-sharalar, qaıyrymdylyq aksııalar men ıgi jobalar jaıly jýrnalıst qaýymyn aqparattandyrdy.
Raýshan NUǴMANBEKOVA