Qostanaıdaǵy «Saryarqa AvtoProm» avtozaýytynyń bazasynda endi qoqys jınaýǵa jáne tasýǵa arnalǵan kommýnaldyq mashına túrleri shyǵarylmaq. Qazir zaýytta osy maqsat úshin qyzý jumystar júrgizilýde.
«SaryarqaAvtoProm» avtozaýyty qaraıtyn «Allıýr» kompanııasy búginde JAC shassıi bazasyndaǵy N serııasymen kommýnaldyq tehnıkalardyń 9 modelin shyǵarady, al Iveco 682 shassıy bazasynda kommýnaldyq mashınalardyń qum shashatyn, beton aralastyratyn, ózi aýdarǵysh sekildi úsh modeli shyǵarady. О́tken jyl osyndaı synaqtyq alǵashqy 96 kommersııalyq tehnıka sapqa qoıyldy.
«SaryarqaAvtoProm» zaýyty óndiristi jyl saıyn keńeıtip jáne jańǵyrtyp kele jatyr. 2017 jyly tutynýshylardyń suranysyna qaraı turmystyq jáne ónerkásiptik qoqystardy jınap, shyǵaratyn tehnıkalardy jasap kórýge bel baılaǵan. Kommýnaldyq mashınalardyń alǵashqy legi «Taza-Álem Astana» jaýapkershiligi shekteýli seriktestigine berildi. Onda mashınalardyń tıimdiligi synaldy.
Qoqys tasıtyn, jınaıtyn kommýnaldyq mashınalar quraldyń negizgi bóligine qondyrma salý esebinen Iveco 682 jáne JAC shassıy N serııasy bazasynda óndiriledi. Mundaı qondyrma salǵan kólikterdi 7 jylǵa deıin esh jóndemeı paıdalanýǵa bolady. Mashınalardyń bólshekteri Reseıden, Túrkııadan, Eýropa elderinen ákelinedi. Olardyń eń negizgi bólshekterin ózgertip, qondyrma salý arqasynda qazaqstandyq úles, ıaǵnı qostanaılyq zaýytta atqarylatyn jumys 35 paıyzǵa deıin jetkiziledi. Qazaqstandyq zaýytta jasalǵan qoqys tasıtyn mashınalardyń beriktigin kúsheıtý úshin 6-7 mm bolat paıdalanylady. Sonymen qatar konteınerdi jýatyn qosymsha quralmen jabdyqtalady. Ol úshin tehnı-kaǵa sý quıatyn bak ornatylady.
– Bizdegi tehnologııalar boıynsha óndiriletin qondyrǵylar Reseı naryǵynda jeti jyldan beri paıdalanylyp keledi, sapasy jaqsy. Buǵan deıingi synaq kórsetkendeı, kishi kólemde jasaý arnaıy tehnıkalardyń qyzmetin azaıtpaıdy. Shaǵyn qoqys tasıtyn tehnıkalar úlken qalalardaǵy tyǵyz salynǵan úıler men basqa ǵımarattar arasynda jumys isteýde tıimdiligin kórsetti. Az tonnalyq mashınalar joly tar qalalarda jeńil jumys isteıtin bolady, – dedi «Allur Auto Astana» JShS qyzmetkeri Aleksandr Soı.
Tıimdilgi synalǵan qoqys tasıtyn mashınalar aldaǵy ýaqytta jeke suranyspen de jasalatyn bolady. Mundaı tehnıka tek ózimizdiń naryqqa ǵana emes, eksportqa da shyǵarylady. Kommýnaldyq sharýashylyqtardyń tıimdiligi joǵary tehnıkaǵa qol jetkizýi úshin jeńildigi bar lızıng baǵdarlamalar da iske qosylmaq.
Názıra JÁRIMBET,
«Egemen Qazaqstan»
QOSTANAI