Samarqand qalasynda (О́zbekstan Respýblıkasy) Qazaqstan jáne О́zbekstan Ishki ister mınıstrleriniń kezdesýi bolyp ótti. Oǵan mınıstr Qalmuhanbet Qasymov bastaǵan Qazaqstan IIM delegasııasy, О́zbekstannyń ishki ister mınıstri Pýlat Bobojonov qatysty.
Is-shara barysynda eki eldiń ishki ister organdarynyń qylmysqa qarsy kúres salasyndaǵy ózara is-qımylyn nyǵaıtý, shekaralyq yntymaqtastyqty odan ári damytý, praktıkalyq tájirıbe almasý máseleleri, sondaı-aq zań shyǵarý qyzmeti talqylandy.
– Qazaqstan men О́zbekstan arasyndaǵy yntymaqtastyqtyń damý qarqyny barlyq qyzmet salasynda kórinis tabýda. Sondaı-aq ishki ister organdary arasyndaǵy yntymaqtastyqtyń da ózindik tájirıbesi qalyptasa bastady. Bizder ekijaqty, sonymen birge birneshe tarap bolyp ta, dálirek aıtqanda TMD jáne ShYU aıasynda da birlesken is-sharalar atqaramyz, kóptegen problemalar Ishki ister mınıstrleri keńesiniń otyrystarynda talqylanady, – dep atap ótti Q.Qasymov.
Keńestiń qorytyndysy boıynsha Qazaqstan men О́zbekstan Ishki ister mınıstrlikteriniń Úılestirý tobyn qurý týraly birlesken buıryqqa qol qoıyldy, atalǵan toptyń quramyna mınıstrlikterdiń beıindik qyzmetteriniń birinshi basshylary saılandy.
Is-shara sheńberinde Qazaqstan men О́zbekstan IIM beıindik qyzmet basshylarynyń eki taraptyq kezdesýleri ótkizildi.