«Altyn qalam» jeńimpazdary marapattaldy

Keshe ENRC (Eýrazııalyq tabıǵı resýrstar korporasııasy) men «Egemen Qazaqstan» gazetiniń basta­ma­symen uıymdastyrylǵan elimizdegi óner­ká­sip taqyrybyna jazatyn qazaq jýrnalısteri arasyndaǵy II respýb­lı­ka­lyq «Altyn qalam» shy­ǵarmashylyq baıqaýynyń jeńimpaz­daryn marapattaý rásimi bolyp ótti. Baıqaý aǵymdaǵy jyldyń qańtar aıynda bastaý alǵan bolatyn. Onyń negizgi maqsaty – qazaq jýrnalıstıkasynda kenjelep qal­ǵan ekonomıka jáne ónerkásip taqyrybyna qalam tartatyn jýrnalısterdi yntalan­dy­rý. Arnaıy qurylǵan ádil qazylar alqasy­nyń quramyna ENRC Qazaqstan prezı­den­tiniń bas keńesshisi Ibragım Edilbaev, «Egemen Qazaqstan» respýblıkalyq gazeti» AQ prezıdenti Saýytbek Abdrahmanov, belgili qalamgerler Aldan Smaıyl jáne Jarasbaı Súleımenov engen edi. Jeńimpazdardy marapattaý rásimin Ib­ra­­gım Edilbaev ashyp, alǵashqy sózdi Saýytbek Abdrahmanovqa berdi. Qazaq tildi merzimdi basylymdardaǵy kenjeleý qalyp kele jatqan sala – ónerkásip taqyryby. О́ndiris salasynyń ınnovasııalyq qyr-syryna te­reń boılap, búgingi órkenıetti ónerkásip jetistikterine qalam tartatyn qazaq jýr­na­lıs­teriniń shoǵyry az. Sondyqtan el ekono­mı­kasynyń mańyzdy taqyryptaryn jazýda memlekettik tildiń bedelin arttyryp, aıasyn keńeıtý maqsatynda eki jyldan beri ENRC kompanııasy men «Egemen Qazaqstan» res­pýblıkalyq gazeti osyndaı respýblıkalyq baıqaý ótkizýdi qolǵa aldy, dedi «Egemen Qa­zaq­stan» gazetiniń basshysy Saýytbek Abdrah­manov. Alǵashqy jylǵa qaraǵanda bıylǵy ótkizilip otyrǵan baıqaýǵa qatysqan qazaq jýrnalısteriniń qarasy mol, baıqaýǵa kelip túsken maqalalar úsh ese kóp boldy. Aldaǵy ýaqytta osyndaı baıqaý ótkizý dástúrge aınalady. Odan keıin sóz alǵan jazýshy Aldan Smaıyl ónerkásip taqyrybyna qalam tartý­dyń kúrdeli ekendigine toqtala kelip, tipti elimizdiń termınologııa ortalyqtary da jahandaný úrdisine tereń kirikken óndiris, ekonomıka taqyryptarynyń jańalyq­ta­ry­na únemi ilese bermeıtindigin atap kórsetti. Al Jarasbaı Súleımenov pen ENRC Qa­zaq­stannyń korporatıvtik kommýnıkasııalar bas­qarmasynyń basshysy Maıra Qýan­dy­qo­va búgingi ótkizilip otyrǵan sharanyń qazaq jýrnalıstıkasynda kenjelep qalǵan ekono­mıka, óndiris taqyryptarynda memlekettik tilimizdiń bedelin arttyrýǵa erekshe yqpal etetindigin tilge tıek etti. Jyl boıy ótkizilgen II respýblıkalyq «Altyn qalam» shyǵarmashylyq baıqaýy­nyń qorytyndysy boıynsha birinshi oryn jáne 500 myń teńge bas báıge «Jas qazaq» respýblıkalyq gazetiniń ekonomıka jáne tal­daý bóliminiń redaktory Gúlzat Smaǵu­lo­vaǵa berildi. Eki ekinshi oryndy «Egemen Qazaqstan» respýblıkalyq gazetiniń sholý­shysy Jylqybaı Jaǵyparuly men Pavlodar oblystyq «Saryarqa» samaly gazetiniń jýrnalısi Nurbol Jaıyqbaev ıelenip, ár­­qaı­sysy 400 myń teńge syılyqqa ıe boldy. Úsh úshinshi oryn «Dala men qala» res­pýb­lıkalyq áleýmettik saıası basylymy­nyń jýr­nalısi Nurlan Jumahanov, «Ońtús­tik Qa­zaqstan» gazetiniń ekonomıka bólimi­niń meń­ge­rýshisi Sýhanberdi Orazalıev jáne Atyraý oblystyq «Munaıly astana» gaze­tiniń bas redaktory Quttygereı Smadııarǵa berildi. Olardyń árqaısysy 300 myń teńge kó­le­min­de aqshalaı júlde aldy. «Úzdik jas jýrnalıst» nomınasııasynda «Alash aına­sy» res­pýblıkalyq qoǵamdyq saıası aqpa­rat­tyq gaze­tiniń tilshisi Kamshat Sátıeva ma­rapattalyp, 150 myń teńge aqshalaı syı­lyq­qa ıe boldy. Qazaq jýrnalısteri arasyndaǵy respýb­lı­kalyq «Altyn qalam» shyǵarmashylyq konkýrsynyń basty maqsaty memlekettik tilge naqtyly qoldaý kórsetý, ónerkásip sa­la­syna qalam tartatyn qazaq tildi jýrna­lıs­terdiń kásibı sheberligin shyńdaý, merzimdi baspasózde jańa ekonomıkalyq oılaý úrdisin qalyptastyrý bolyp tabylady. Bul baıqaý ENRC kompanııasynyń BAQ-tarda memlekettik tilge qoldaý kórsetý jónindegi strategııalyq baǵdarlamasynyń bir jobasy retinde júzege asyp otyr. Berik SADYR. ___________

Sýretti túsirgen Orynbaı BALMURAT.