Bıylǵy 26 sáýirge deıingi naqty nátıjege sáıkes «Damý» Qory kásipkerler usynǵan jalpy somasy 661,2 mln teńgeni quraıtyn 42 jobany qaraýda.
Jalpy somasy 646 mln. teńgege 44 joba maquldanǵan. Oǵan qosa somasy 829,1 mln teńge bolatyn 54 nesıe berilgen. Qujattardy jınaý satysynda jalpy somasy 265 mln. teńgelik áli 22 joba bar. Bul týraly Almaty qalasynyń О́ńirlik kommýnıkasııalar qyzmetinde ótken brıfıngte «Damý» KDQ Almaty qalasy fılıaly dırektorynyń orynbasary Edige Marǵulan málimdedi.
Spıkerdiń aıtýynsha, Almaty qalasynda, saýda jáne qyzmet kórsetý sektorlarynyń 60 paıyzdan astamyn quraıtyndyqtan, Almaty ákimdigi men Damý Qory birlesip «Jibek Joly» atty óńirlik baǵdarlamasyn iske asyrdy. Atalmysh baǵdarlama «Bıznestiń jol kartasy -2020» sheńberinde basymdyq tizimge engizilmegen saýda, sulýlyq salondary, jataqhanalar jáne basqa salalardaǵy kásipkerlerdi qoldaý baǵdarlamasy 2015 jyldyń mamyr aıynan jumys isteı bastady.
«Jibek Joly» baǵdarlamasynyń nesıeleý sharttary:
Baǵdarlamaǵa Almaty qalasynda tirkelgen jáne jumys isteıtin shaǵyn jáne orta bıznes ǵana qatysa alady: Eń joǵarǵy nesıeleý somasy bir kásipker úshin 180 mln. teńge. Nesıe merzimi: jańa negizgi qarajat alýǵa jáne jetildirýge – 84 aıǵa deıin; aınalym qarajatyn tolyqtyrýǵa – 36 aıǵa deıin. Syıaqynyń nomınaldy mólsherlemesi - jyldyq 7%. Negizgi qaryzdy óteýdiń jeńildik merzimi - 12 aıǵa deıin;2017 jyldyń nátıjesi boıynsha «Jibek Joly» baǵdarlamasy arqyly 165 kásipker qarjylandyrylǵan.
Sondaı-aq, 2017 jyldyń qarashasynda qosymsha 3 transh boıynsha 2,7 mlrd.tenge bólindi. Bul oraıdabank seriktesteri «Nur Bank» AQ, «Forte Bank» AQ, «ATF Bank» AQ, «Narodnyı Bank» AQ bolyp tabylady.
Bıylǵy jyldyń 26 sáýirindegi jaǵdaı boıynsha 582 mln teńgeni quraıtyn 11 kásipker qarjylandyrylyp, 15 kásipkerlerdiń jobalary qarastyrylýda.
Aıta ketý kerek, «Damý» kásipkerlikti damytý qory Qazaqstan Respýblıkasynda Birikken Ulttar Uıymynyń Damý baǵdarlamasynyń qarjylyq qoldaýymen energııa únemdeýdi júzege asyratyn kásipkerlerdi qoldaıdy, – dedi Edige Marǵulan.
Aınash ESALI,
«Egemen Qazaqstan».
ALMATY