Qazaqstan-Germanııa kásipkerler qaýymdastyǵy (budan ári - QGKQ) nemis SES qoǵamymen birlesip, QGKQ-yń qatysýshy kásiporyndaryn sıfrlandyrý jobasyn júzege asyrady. Bul joba Qazaqstan Respýblıkasynyń kásiporyndaryn zamanaýı jahandyq úderisterge ákeledi jáne kásiporyndardyń básekege qabiletti bolýyna múmkindik beredi.
Jobanyń maqsaty - sheteldik mamandardyń tájirıbesin paıdalana otyryp, QGKQ músheleriniń kásiporyndarynda óndiris prosesterinde sıfrlandyrý múmkindikterin kórsetý arqyly naqty nátıjelerge qol jetkizý. Nemis mamany Mıster Mıýllerdiń qatysýy zaýytta tehnologııalyq úderisterdi basqarýdaǵy jetistikter men qatelerdi anyqtaýǵa jáne qazaqstandyq kásiporyndarda sıfrlyq tehnologııalardy engizý josparyn jasaýǵa kómektesedi.Joba 2 kezeńdi qamtıdy:
1-kezeń: Germanııa mamandarymen jalpy talqylaý júrgizý jáne «ekonomıkany sıfrlandyrý» tujyrymdamasynyń tusaýkeseri;
2-kezeń: QGKQ kásiporyndarynda mamannyń keńes berýi.
Jobanyń qatysýshylary Qazaqstan Respýblıkasynyń jetekshi kompanııalary, olardyń ishinde «Altyn Prodýkt» AQ, «Vıka Kazahstan» JShS, «Agroteh», «Nur-Avıseným» AQ, «Arıba» JShS, «Transavııa» JShS, «Mılh» JShS bolady.