QR IIM TJ Komıtetinde Otan qorǵaýshylar kúni men Uly Jeńistiń 73 jyldyǵyna oraı ótkizilgen shara barysynda Ishki ister mınıstriniń orynbasary Iý.V.Ilın QR Prezıdentiniń 2018 jyl 27 sáýirindegi №671 buıryǵymen áskerı jáne qyzmettik boryshyn úlgili atqarǵany, zańdylyq pen quqyqtyq tártipti qamtamasyz etýde kórsetken erligi men qajyrlylyǵy úshin órt sóndirýshilerge memlekettik nagradalar tabystady.
Sonyń biri Mańǵystaý oblysy TJD «О́S jáne AQJQ» №1arnaıy mamandandyrylǵan órt sóndirý bóliminiń komandıri Qaırat Tileýjanuly Saımaganbetov III dárejeli «Aıbyn» ordenimen marapattaldy.
2017 jyldyń 8 tamyzynda saǵat 17:58-de Mańǵystaý oblysy Tótenshe jaǵdaılar departamenti «О́rt sóndirý jáne avarııalyq-qutqarý jumystary qyzmeti» memlekettik mekemesiniń kúshter men quraldary basqarý ortalyǵyna Aqtaý qalasynda órt oryn alǵandyǵy jóninde habar túsken.
О́rt oryn alǵan jerge bólim habarlama túskennen keıin 5 mınýt ishinde, ıaǵnı saǵat 18:03-te kelgen bolatyn. Habarlama ornyna jetken soń, bir bólmeli turǵyn páterdiń janǵandyǵy anyqtaldy.
О́rt sóndirý barysynda bólmede kez kelgen ýaqytta jarylýy múmkin gaz ballony bar ekendigi anyqtaldy. Azamattyq qorǵaý praporshıgi Q. Saımaganbetov Aqtaý qalasy № 1 mamandandyrylǵan órt sóndirý bólimshesiniń kezekshi qaraýylynyń gaz tútinnen qorǵaý qyzmeti zvenosy quramynda as bólmesine kirip, gaz ballonyn alyp shyqty.
-Ol órtke oranǵan jerdegi yqtımal jarylystyń aldyn alyp, adam qazasynyń bolýyna jol bermedi. О́rt sóndirý jetekshisi tarapynan qoıylǵan mindetterge jan-jaqty oılanyp jáne shymdamdylyq tanytyp, bólimshe komandıri Qaırat Saımaganbetov 4 adamdy, onyń ishinde 1 balany qutqarýdy uıymdastyrýda belsene aralasty. Nátıjesinde 25 adam, onyń ishinde 15 balalar qaýipsiz jerge kóshirildi.
Osy ýaqyt aralyǵynda atalǵan jaýyngerlik ýchaskede ózine júktelgen mindetterdi oryndaýdy qamtamasyz etti. Aqtalǵan kásibı táýekeldiliktiń, órt sóndirý tehnıkasyn muqııat paıdalanýdyń arqasynda, órtti qysqa ýaqytta zardap shegýshi men qazasyz oqshaýlaýǵa jáne joıýǵa múmkindik týdy, dedi Mańǵystaý oblysy Tótenshe jaǵdaılar departamenti basshysy Qýanar Bazarbaev apparattyq jıynda Q.Saımaǵanbetovty quttyqtap turyp.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy