Mańǵystaý oblystyq ákimdiginde ótken jıynda 2017-2018 jylǵy jylytý maýsymynyń ótý qorytyndysy jáne aldaǵy jylytý maýsymyna daıyndyq máselesi qaraldy. Kún tártibindegi másele boıynsha Mańǵystaý oblystyq energetıka jáne turǵyn úı-kommýnaldyq sharýashylyq basqarmasynyń basshysy Sapar Amanbekov baıandama jasady.
S.Amanbekovtyń aıtýynsha, aldaǵy jylytý maýsymynyń ornyqty ótýi úshin jergilikti bıýdjetten 1,089 mlrd teńge qarastyryldy.
Naqtyraq aıtsaq, «MREK» AQ jáne «QazTransGaz Aımaq» AQ ınvestısııalyq baǵdarlamasy aıasynda 6,3 mlrd.teńge qaralsa, Kaspıı energetıkalyq HABy» syrtqy ınfraqurylym qurylysy sheńberinde kerneýi 110 kV elektr taratý jelisin jáne 110/10 kV QS 2 qosalqy stansııasyn salý – 5,1 mlrd teńge, Beıneý, Túpqaraǵan, Munaıly aýdandaryndaǵy eldimekenderdi gazdandyrý boıynsha 9 jobany iske asyrý ǵa 1,2 mlrd.teńge qaralǵan.
– Josparǵa saı atqarylatyn jumystar bekitilgen kestege sáıkes júrgiziledi jáne únemi qatań baqylaýda bolady, – dedi basqarma basshysy.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy