2017 jyly mýzeı qoryna 1665 mýzeılik zat túsken. Bul týraly búgin Almaty qalasy О́ńirlik kommýnıkasııalar qyzmetiniń alańynda ótken brıfıngte Memlekettik ortalyq mýzeıi dırektorynyń orynbasary Ǵalııa Temirton málimdedi.
Ǵalııa Temirtonnyń sózine súıensek, qordy esepke alý jáne saqtaý tobynda 17 maman jumys isteıdi (qordy esepke alý toby – 5 maman, qor saqtaý toby – 12 maman).
Bul toptardyń negizgi mindeti – belgilengen normaǵa saı esepke alý qujattary men is-qaǵazdaryn júrgizý, mýzeı qundylyqtarynyń saqtalýyn qamtamasyz etý, eskertkishterdi qıraý, urlaný jáne buzylýdan qorǵaý ári olardy zertteýge men nasıhattaýǵa qolaıly jaǵdaı jasaý bolyp tabylady. Qor saqtaý toby mamandarynyń mindetine tikeleı qor kolleksııalaryn saqtaý kiredi.
– Kolleksııa boıynsha, derekterdiń túrine, materıalyna qaraı biriktirilgen mýzeılik zattar 15 qorǵa bólinip, qor saqtaýshy mamandardyń materıaldyq jaýapkershiliginde saqtalady, – dedi Memlekettik ortalyq mýzeıi dırektorynyń orynbasary.
Qor jumysyndaǵy negizgi baǵyttardyń biri qabyldaý jáne jańa túsken jádigerlerdi esepke alý, qordy tolyqtyrý men jabdyqtaý. Qordy júıeli túrde tolyqtyrý jumystary mýzeı isindegi basty ǵylymı baǵyttardyń biri. О́tken jyly jınaqtalǵan materıaldardy mýzeı qoryna qabyldaý úshin QIK-nyń 5 jınalysy ótip, onyń sheshimi arnaıy hattamamen rásimdelgen. 2012 jyldan beri fotoqujattar qoryndaǵy mýzeılik zattardyń sandyq kóshirmesin jasaý (osıfrovka) jumystary júrgizilip keledi.
Qazirgi tańda Memlekettik Ortalyq mýzeıiniń qorynda 266 500 saqtam birlik memlekettik tirkeýge alynǵan. Onyń ishinde: negizgi qor – 215 645 saqtam birlik, ǵylymı-kómekshi qor – 49 593 saqtam birlik ýaqytsha qor – 1262 saqtam birlikti quraıdy. Mýzeıdiń negizgi qoryndaǵy mýzeılik zattar men kolleksııalar Qazaqstan mýzeıleriniń ulttyq qorynyń quramyna kiredi, – dedi Ǵalııa Temirton.
Aınash ESALI,
«Egemen Qazaqstan»
ALMATY