IZGILENDIRÝ ISINDEGI ILGERILEÝShILIK

Astanada Ádilet mınıstrliginiń uıymdastyrýymen jáne Orta­lyq Azııadaǵy halyqaralyq túrme reformasynyń ókilettigi, BUU-nyń adam quqyqtary men zańdylyqty saqtaý boıynsha halyqaralyq bıýro­sy­nyń elimizdegi ókilettigi, elordadaǵy EQYU ortalyǵy, Ulybrı­ta­nııa men Germanııanyń Qazaqstandaǵy elshilik­teriniń qoldaý kór­setýi­men “Azaptaýǵa qarsy tujyrymdamadaǵy fakýl­tatıvtik anyq­tama: Qazaqstan Respýblıkasynda azaptaýdy qoldanýdyń aldyn alý meha­nızmderin zań túrinde bekitý” atty halyqaralyq konferensııa ótti. Konferensııa Azaptaýǵa jáne jazalaýdyń qatygezdik, adamger­shilik, ar-namysty aıaqqa basatyn basqa da túrlerine qarsy tujyrym­damanyń fakýltatıvtik hattama­syna oraı azaptaýdyń aldyn alý máselelerin talqylaýǵa arnaldy. Onyń jumy­syna Pre­zı­dent Ákim­shi­ligi, Konstı­týsııalyq keńes, Bas prokýratýra, Syrtqy ister, Ishki ister, Bilim jáne ǵy­lym, Densaýlyq saqtaý mınıstr­lik­teri, Ulttyq qaýipsizdik komı­teti, advokatýra, úkimettik emes uıymdardyń ókilderi men BUU-nyń azaptaýdyń aldyn alý jónindegi komıtetiniń músheleri Zdenek Haıek pen Marııa Defınıs-Goıanovıch bastaǵan birqatar shetel sarap­shylary qatysyp, kún tár­tibindegi másele boıynsha óz pikir­lerin ortaǵa saldy. Jalpy, elimizde mundaı bas­qosýlardy ótkizý ótken jyldan beri dástúrge aınalyp otyr. Onyń eń alǵashqysy byltyr 25-26 aqpan kúnderi Astanada ótti. Sol kezde ótkizilgen halyqaralyq konferen­sııa “Qazaqstan Respýblıkasynda azaptaýdy qoldanýdyń aldyn alý: pikirtalastan iske kirisý” atty taqy­ryppen uıymdastyryldy. Sodan keıin ótken jyldyń 27 maýsym kúni Almaty qalasynda osy jolǵy elordadaǵy basqosýdy ótkizýge uıytqy bolǵan barlyq mekemeler­diń qatysýymen dóńgelek ústel ótkizil­di. Onda “Azaptaýǵa qarsy tujy­rym­damanyń fakýl­tatıv­ti hatta­masy aıasynda Qazaq­stan Res­pýb­lıkasynda abaqtylardy ınven­tarı­zasııalaý” atty jalpy qujat pen “Bas bostandyǵynan aıyrý oryndaryn baqylaý meha­nızmderi men olardyń tujyrym­damanyń fakýltatıvtik hatta­masy­na sáıkes kelýi” atty sarap­tamalyq qujat daıyndaldy. Al 2009 jyldyń 14 jeltoqsany kúni osy máselege baı­lanysty ótkizil­gen taǵy bir halyq­aralyq kon­feren­sııada elimizde azaptaýdyń aldyn alý mehanızmderi boıynsha zańdardy daıyndaýshy jumys toby quryldy. Dastan KENJALIN. MARAPAT О́Z IELERIN TAPTY Keshe Keńes áskerleriniń Aýǵan­­stan jerinen shyǵarylýyna 21 jyl tolýyna oraı “Nur Otan” HDP jergilikti uıymdary sol soǵysta qaza tapqan qazaqstandyq jaýynger­lerdiń qurmetine qoıyl­ǵan elimiz qalalaryndaǵy eskert­kishterge gúl shoqtaryn qoıý, eske alý aksııa­laryn ótkizdi. Sonyń biri partııa­nyń Astana qalasyn­daǵy Ortalyq apparaty ofısinde bolǵan shara. Ol “Nur Otan” HDP men Aý­ǵan soǵysy ardagerleri odaǵynyń jáne Qazaq­standaǵy Reseı Fede­rasııasy elshi­liginiń birlesýimen uıymdastyryl­ǵan “Marapat óz ıesin tapty ” atty respýblıkalyq aksııa. Onyń maq­saty atynan kóri­nip turǵan­daı, jaýyn­ger-ınter­nasıo­na­lıs­terdiń Aýǵan­stan­daǵy boryshyn ótegen kezinde túrli sebep­terge baılanysty olar­ǵa beril­meı qalǵan tıisti nagra­dalardy kesh te bolsa tapsyrý-tyn. Marapattaý rásimine “Nur Otan” HDP Tóraǵasynyń birinshi oryn­basary Nurlan Nyǵmatýlın, Qazaq­stan­daǵy Reseı Federasııa­synyń Tótenshe jáne ókiletti elshisi Mı­haıl Bocharnıkov, osy elshiliktiń áskerı attashesi, gene­ral-leıtenant Nıkolaı Pokas jáne respýblıka­myzdaǵy Aýǵan soǵysy ardagerleri odaǵy­nyń ókilderi qatysty. Rásim kezinde “Erligi úshin” me­dalimen Berik Sabyrov pen Tumar­­bek Murynbaev, “Jaýyn­gerlik erligi úshin” medalimen Er­ǵazy Turaqbaev, Sergeı Shılıaev, Amangeldi Lekerov, Temirbek Qoılybaev, Anatolıı Iýrın syndy otandastarymyz   marapattaldy. Ábdirahman QYDYRBEK, Sýrette: saltanatty  ásimnen kórinis ǴALYMǴA QURMET KО́RSETILDI Elbasy Nursultan Nazarbaev­tyń ózi jobasymen tanysyp maquldaǵan, qoldaý kórsetken, ótken jyly aty da, zaty da ózgerip bas korpýsy paıdalanýǵa berilgen Sh.Esenov atyndaǵy Kaspıı mem­lekettik tehnologııa­lar jáne ınjınırıng ýnıversı­teti búgin­deri Kaspıı aımaǵyna belgili bola bas­tady. Iаǵnı, oblys­tyń ǵana emes, teńiz mańaıyn­daǵy memle­ket­terge ortaq oqý ornyna aınalýda. Ýnıversıtet Reseıdegi, AQSh-taǵy, Qytaı, Túrkııa, Germanııa, Polsha, Koreıa, t.b. elderdegi árip­tes­terimen ózara baılanystar jóninde kelisim-sharttar jasaǵan. Keskin-kelbeti, tynys-tirshiligi – bári de jańa zamanǵa saı qalyp­tasýda. Ol jaı ǵana oqý orny emes. Oblysty, elimizdi eń­selen­dire túse­tin “Jer-Teńiz-Aspan” mega­jobasynyń bir quram­das bólshegi retinde kóri­nýde. Bul jaıly atalmysh oqý ornynda tórt jyldan beri turaq­ty, nátıjeli jumys jasaı­tyn qamqorlyq keńesiniń keńeıtil­gen otyrysynda áńgime órbidi. Onda keńes tóraǵasy, oblys ákimi Qyrymbek Kósher­baev oqý ornynyń jańasha atalýy, jańa bas ǵımarattyń salynýy Elbasynyń tikeleı tap­syrmasy, qamqorlyq pen qoldaýy­nyń nátıjesi ekendigin atap kórset­ti. Jáne de bul jumys­tardyń oı­daǵy­daı júzege asýyna iskerlik tanytyp, kúsh-jiger jumsap júrgen rektor  Ábdimútálip Áb­jap­parovtyń eńbegi erekshe eken­digine toqtaldy. Osy basqosýda al­pystyń asýyna aby­roı­men shyqqan qaı­ratker azamat­tyń atyna Parla­ment palata­larynyń tóraǵa­lary men Premer-Mı­nıstrdiń oryn­ba­sary, oblys, qala ákimderi quttyq­­taý­lary oqyldy. Akade­mıkter Q.Saǵa­dıev, E.Shaı­hýt­dınov, kór­shiles memle­ketterden kelgen árip­testeri ystyq lebizder bildirdi. Syı-syıapat jasap, qurmet kórsetti. Jolaman BOShALAQ. Aqtaý