Jenevadaǵy kórkem ǵımarattardyń biri – «Four Seasons Hotel» qonaq úıinde Qazaqstan Respýblıkasy Táýelsizdiginiń 20 jyldyǵyna arnalǵan resmı dıplomatııalyq qabyldaý ótti, dep habarlady Syrtqy ister mınıstrliginiń baspasóz qyzmeti.
Saltanatty sharaǵa Birikken Ulttar Uıymy Bas hatshysynyń orynbasary – BUU Jenevadaǵy bólimshesiniń Bas dırektory Qasym-Jomart Toqaev, halyqaralyq uıymdar jáne dıplomatııalyq korpýs basshylary men qyzmetkerleri, jergilikti memlekettik organdar ókilderi qatysty.
Qabyldaý barysynda qatysýshylar Prezıdent N.Nazarbaevtyń basshylyǵymen memleketimizdiń 20 jylda qol jetkizgen tabystary atap ótildi. Qazaqstannyń EQYU-ǵa tóraǵalyǵy men Astana Sammıti, IYU men ShYU-ǵa tóraǵalyǵy jáne basqa da bastamalaryn elimizdiń halyqaralyq arenada joǵary bedeliniń kórinisi retinde aıqyndaı otyryp, BUU-men ornatylǵan yntymaqtastyqqa kelesi jyly 20 jyl tolatyndyǵy sóz boldy.
Qonaqtarǵa qazaq ulttyq taǵamdary usynylyp, Táýelsizdigimizdiń 20 jyldyǵyna oraı izgi quttyqtaýlary men tilektestikterin bildire kelgen sheteldik meımandardy Shveısarııada mýzykalyq bilim alyp júrgen jas talanttarymyz qazaq áýenderin klassıkalyq oryndaýmen tánti etti.