Tekserý qorytyndysy boıynsha Mańǵystaý oblysy TJ departamentinde departament bastyǵy Q. Bazarbaev pen bastyqtyń orynbasary M. Muhanovtyń tóraǵalyǵymen «Oblys aımaǵynda ornalasqan saýda nysandarynyń órtke qarsy jaǵdaıy jáne tekserý nátıjesi» taqyrybymen brıfıng ótti.
Mańǵystaý oblysy aýmaǵynda jyl saıyn tekserýden ótetin órt qaýipsizdigi salasynda joǵary táýekel dárejesindegi oıyn-saýyq keshenderi, saýda úıi jáne 1500 jáne odan úlken sharshy metrdi quraıtyn 52 saýda nysandary tirkelgen.
Jospardan tys tekserý boıynsha 52 nysannyń barlyǵy tekserilip, nátıjesinde 637 órt qaýipsizdigi talaptaryn buzý anyqtaldy.
52 saýda obektisiniń ishinen ishinara býtıkterde jáne konteınerlerde, qoımalarda, kondıterlik sehterde avtomatty órt dabyldarynyń bolmaýy, 30 nysannyń órt avtomatıkasy júıeleri, «Báıterek», «Alataý», «Dostyq», «Astana» saýda ortalyqtary, «Adas», «Aqtóre», «Altyn orda», «Qazyna» saýda úıleri, «Dýman» oıyn-saýyq kesheni syndy 9 nysannyń avtomatty órt sóndirý júıesi joq. Tekserilgen nysandardyń keıbireýlerinde erejege saı elektr shamynyń qorǵanys qalpaqshasymen jabdyqtalmaǵandyǵy, Toq jelileri erejege saı jalǵanbaǵan, órtengen aǵashtan jasalǵan sórelerdiń órtke qarsy óńdeýiniń joqtyǵy, órt avtomatıkasy júıesiniń tehnıkalyq aqaýlyǵy, evakýasııanyń ártúrli pýnktteri, sonyń ishinde saýda-sattyq alańynyń úlesi, órt-tehnıkalyq mınımaldy baǵdarlama boıynsha oqytýdyń joqtyǵy, avtomatty órt dabylyna tehnıkalyq qyzmet kórsetý júrgizilmeıtindigi, kólemdi josparlaý sheshimderin ázirlengen jáne bekitilgen jobalyq-smetalyq qujattamasyz ózgertýge jol berilgendigi, negizgi standarttarǵa sáıkes órt sóndirý tehnıkasynyń negizgi quraldarynda uıymdardyń tolyqtyǵy men jumys istemeıtindigi, órtke qarsy sýmen qamtamasyz etýdiń ishki jáne syrtqy júıeleriniń buzylýy, órt qaýipsizdik talaptarynyń buzylýy syndy aqaýlar anyqtaldy.
О́rt qaýipsizdigi erejeleriniń buzylýy boıynsha 51 zańdy tulǵa ákimshilik jaýapkershilikke tartylyp, olardyń 40-yna 1 mıllıon 871 myń 090 teńge aıyppul salyndy jáne 11 zańdy tulǵa eskertý aldy.
Uıymdardyń basshylyǵymen kelise otyryp, Azamattyq qorǵaý organdarynyń obektıvtiligi men ashyqtyǵyn qamtamasyz etý maqsatynda «Atameken» Ulttyq kásipkerler palatasynyń ókilderi, sybaılas jemqorlyqqa qarsy qyzmet jáne BAQ ókilderi 8 tekserýge tartyldy.
Tekserý barysynda Departament uıym ókilderimen birlese otyryp, halyq kóp shoǵyrlanatyn nysandardy 17 órt-taktıkalyq jattyǵýyn ótkizdi, 2154 adamdy qamtıtyn 52 úgit-nasıhat jáne jappaı túsindirý jumystary júrgizildi.
Sonymen qatar, brıfıng sońynda oblysta sýǵa túsý maýsymyna daıyndyq týraly suraqtar qaraldy.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy