Aqtóbede «Atameken» Ulttyq kásipkerler palatasynyń tóralqa tóraǵasy Tımýr Qulybaev pen oblys ákimi Berdibek Saparbaev óńirdiń isker ortalary ókilderiniń qatysýymen Kásipkerler palatasy aımaqtyq keńesiniń otyrysyn ótkizdi.
Berdibek Saparbaev oblystaǵy kásipkerlikti damytýdyń negizgi nátıjelerin aıta kele 2017 jyldyń qorytyndysy boıynsha áreket etýshi ShOB sýbektileriniń sany 5%-ǵa 52 myńǵa deıin óskenin jetkizdi.
- Atalmysh salamen ekonomıkalyq turǵyda belsendi halyqtyń 31%-dan astamy aınalysady. Prezıdent tapsyrmasyna sáıkes ShOB-tiń ekonomıkadaǵy úlesin 2025 jylǵa qaraı 50%-ǵa deıin arttyrýdy jalǵastyryp jatyrmyz. О́tken jyldyń qorytyndysy boıynsha ShOB-tegi óndiris kólemi 720 mlrd teńgege deıin jetti. Memlekettiń kúshti qoldaýynyń arqasynda bıyl oblysta kásipkerlikti damytý baǵdarlamasymen 20 mlrd teńge arzandatylǵan nesıeler beriledi. Memleket basshysynyń bes áleýmettik bastamasy aıasynda shaǵyn nesıeni keńeıtý úshin respýblıkalyq bıýdjetten qosymsha 2 mlrd teńge bólindi. «Atameken» Ulttyq kásipkerler palatasyn kásipkerlikti damytýǵa belsendi qoldaý kórsetkeni úshin alǵys aıtamyn, - dep atap ótti óńir basshysy.
Memlekettik-jeke menshik seriktestikti damytýǵa basymdyq beriledi. Byltyr bıýdjetten tys qarajattyń esebinen quny 29 mlrd teńge bolatyn 73 áleýmettik joba júzege asyryldy. Qazirgi tańda 28 mlrd teńgege taǵy 33 jobany júzege asyrý jumystary jalǵasyp jatyr. Olardyń qatarynda Tennıs ortalyǵynyń, Muz saraıynyń, Jeńil atletıkalyq manejdiń, IT ortalyqtyń, «Analarǵa taǵzym» ortalyǵynyń, serebraldy sal aýrýyna shaldyqqan balalardy ońaltý ortalyǵynyń, ıadrolyq medısına ortalǵynyń, Sheck-Up ortalyǵynyń jáne t.b. qurylysy bar.
- Biz sondaı-aq, áleýmettik kásipkerlikti damytý úshin jumystanyp jatyrmyz. Bul Elbasynyń «Bolashaqqa baǵdar: Rýhanı jańǵyrý» baǵdarlamasy negizderiniń biri bolyp tabylady. Osy maqsatta ótken aptada Aqtóbede áleýmettik kásipkerliktiń birinshi halyqaralyq forýmy ótkizildi, - dedi oblys ákimi.
Tımýr Qulybaev óz kezeginde aqtóbelik bıznesmenderdiń joǵary áleýmettik jaýapkershiligi men jergilikti bılikterdiń iskerlik ahýaldy jaqsartýdaǵy jumystaryn atap ótti.
- Kesheden beri Berdibek Máshbekulymen birge kásipkerlerdiń qoldaýymen salynǵan birneshe nysandy qarap shyqtyq. Kóbisi memlekettik-jeke seriktestik aıasynda salynǵan, kásipkerlerdiń ózderiniń bastamasymen júzege asyrylǵan jobalar da bar. Árıne, munyń bári óńirdegi bıznes ahýaldyń orasan zor eńbegi. Barlyq bıznesmenderdiń atynan oblys basshylyǵyna osyndaı úlken qoldaý men ózara qarym-qatynastary úshin alǵysymdy bildirgim keledi. Bıznes pen úkimet arasyndaǵy dıalog – «Atamekenniń» alǵashqy jumys kúninen bastaý alǵan mindeti,- dep atap ótti Tımýr Qulybaev.
Bıznesti damytý máseleleri boıynsha úlken jumystar aýyldyq jerlerde júrgizildi. 2017 jyly Aqtóbe oblysy "Bastaý" jobasyn júzege asyrýdan pılottyq aımaq atandy. 1125 jumyssyz jáne ózin ózi jumyspen qamtyǵan aýyl turǵyndary bıznes negizderine oqytyldy. Osy jyly qamtý eki esege ulǵaıtylady. Atap óteıik, bıyl "О́nimdy eńbekpen qamtý jáne jappaı kásipkerlikti damytý" baǵdarlamasyn Aqtóbe oblysynda iske asyrýǵa 4,9 mlrd teńge qarastyrylǵan.
О́ńir basshysy sondaı-aq, oblystyń kásipkerlikke qarjylaı emes qoldaý kórsetýge, ákimshilik kedergilerdi qysqartýǵa nazar aýdaratynyn atap ótti.
Atap aıtqanda, problemalyq suraqtardy anyqtap, olardy sheshý úshin jumys toby quryldy. 2017 jyldyń qorytyndysy boıynsha ártúrli deńgeıdegi 32 ákimshilik kedergiler anyqtalyp, onyń 17-si oń sheshildi, qalǵandary boıynsha respýblıkalyq deńgeıde jumystar júrgizilýde. Bıylǵy jyly 15 problemalyq másele anyqtalyp, sonyń ishinde 10-y oń sheshimin tapty. Odan basqa bıznestiń sýbektilerin tekserýdi sınhrondaý úshin 2018 jyldyń birinshi jarty jyldyǵyna birlesken tekserý jospary bekitildi.
Tımýr Qulybaev Aqtóbe oblysyna jumys sapary barysynda Eset batyr atyndaǵy mektep-ınternaty, "Olımp" hokkeı modýli, "О́ner ortalyǵy", shyǵarmashylyq akademııasy, oftalmologııalyq emhana, Jekpe-jek saraıy sekildi birqatar áleýmettik jáne óndiristik nysandardyń qyzmetimen tanysty, «Qazaq halqyna myń alǵys" stelasyn, "Jubanovtar álemi" mýzeı-úıin, salynyp jatqan "Analarǵa taǵzym" ortalyǵyn, jedel járdem beketi men tarıhı-ólketaný mýzeıiniń jańa ǵımaratyn qarap shyqty.
Temir Qusaıyn,
«Egemen Qazaqstan»
Aqtóbe oblysy