Joba shaǵyn jáne orta bıznesti damytýǵa baǵyttalǵan. Sondaı-aq, jas urpaqty naqty ǵylymı baǵdarlamalardy zertteýge (STEM: ǵylym, tehnologııa, ınjınırıng jáne matematıka) yntalandyrý.
Astana ekonomıkalyq forýmy aıasynda Qazaqstan Respýblıkasy Energetıka mınıstrligi, Astana qalasynyń ákimdigi jáne Nazarbaev Zııatkerlik mektepteri derbes bilim berý uıymy men «Shell» kompanııasy arasynda «Mektepterge kún energııasy» pılottyq jobany iske asyrý boıynsha memorandýmǵa qol qoıyldy.
Astana, Almaty, Aqtaý, Atyraý, Oral qalalaryndaǵyNazarbaev zııatkerlik mektepterinde kún fotoelektrlik júıesi ornatylady, dep habarlaıdy Astana qalasy ákimdiginiń resmı saıty.
«Mektepterge kún energııasy» atty pılottyq jobany iske asyrý 2016 jyly «Shell» kompanııasynyń QR Energetıka mınıstrligimen bekitilgen memorandým aıasynda júzege asady. Atalǵan pılottyq joba «Jasyl ekonomıkaǵa kóshýdiń» jalpyulttyq aýqymda maqsatyn odan ári qoldaý boıynsha shaǵyn gabarıtti energııa óndiris salasyn damytý,
«Biz osy jobany iske asyrý arqyly elimizdiń ár aýmaqtarynda jańartylatyn energııa kózderiniń odan ári jappaı qoldaný qondyrǵylardy paıdalana otyryp ózindik platforma qalyptastyrý úshin elúkimetiniń jańartylatyn energııa kózderi salasynda jáne parnıktik gazdar shyǵaryndylaryn azaıtý baǵytynda atqaryp jatqan jumystarynyń nátıjesin kórsetýi tıis», - dedi Energetıka mınıstri Qanat Bozymbaev.
«Osy memorandým aıasynda biz mektepterdiń shatyrlaryna kún fotoelektrlik júıesin ornatamyz. Bul joba jańartylatyn energııa kózderin tıimdi paıdalanýdyń tamasha úlgisi jáne bolashaqta elimizdiń basqa aımaqtarynda engizilýi múmkin», - dep atap ótti Astana ákimi Áset Isekeshev.
«Biz «Shell» kompanııasynyń Qazaqstandaǵy 25 jyldyq jumys barysynda Qazaqstan Respýblıkasy men qalyptasqan seriktestik qarym-qatynasty joǵary baǵalaımyz. Bizdiń kompanııa Qazaqstanda óz jumysyn odan áride damyta berýge múddeli. Osy memorandým aıasynda qazaq eliniń «jasyl ekonomıka» salasynda jasap jatqan jumystaryn qoldaýǵa qýanyshtymyz jáne osy joba bul baǵyttaǵy eńbektiń jemisin kórsetedi dep oılaımyz», - dedi Qazaqstandaǵy «Shell» konserniniń vıse-prezıdenti jáne tóraǵasy Olıve Lazar.