Ekskavator Eýrazııalyq Top(ERG) quramyndaǵy«Eýroazıattyq energetıkalyq korporasııasy» AQ «Shyǵys» kenishi mamandarynyń tapsyrysy boıynsha qurastyryldy. Quny 320 mıllıon teńge. Salmaǵy 90-tonna.
Bargıdravlıkalyq ekskavator kásiporynnyń Investısııalyq baǵdarlamasymen satyp alyndy.Jańa tehnıka jer astyndaǵy kómir qazý jumystaryn jarylyssyz shyǵarýǵa múmkindik bermek.
«Shyǵys» kenishi mamandarynyń aıtýynsha, jergilikti jerdegi kenishterden qalaı kómir qazý joldaryn jergilikti mamandar óte jaqsy biledi. Sondyqtan, kómir qazý tehnıkasyn jasaýǵa tapsyrys berdi. Qazý tereńdigi- 10,75 metr. Ekskavtor ken qazýdyń joǵary talaptaryna saı qurastyryldy. R 976 ornatylǵan LiebherrV8 qozǵaltqyshy, tómen aınalymda da joǵary aınalady.
- Janarmaı az tutynady. Jumys orny jaıly. Baqylaý kameralary sensorlyq ekran monıtorymen jabdyqtalǵan. Avtomatty salqyndatqysh ornatylǵan, - deıdi Liebherr R-976 ekskavatorynyń mashınısi A. Býhanov.
kenishte iske qosý úshin mashınıster brıgadasy óndiriste paıdalaný joldaryn «Shubarkól kómir» AQ-ynda úırenip, daıyndalǵan. Kenshiler mashınany paıdalaný, aqaý kezinde jóndeý jumystaryn ótkizýge qatysty. Jalpy, «EEK» AQ «Shyǵys» kenishi sheteldik Liebherr fırmasymen jyldar boıy birge jumys istep keledi. Bul kúnderi kásiporynda osy fırma qurastyrǵan ekskavatorlar, krandar, tıegishter jáne býldozerler sapaly jumys jasaýda. О́ńirdegi Aqsý qalasynda ornalasqan korporasııa elimizdegi elektr energııasynyń 17 paıyzyn, kómirdiń 20 paıyzyn óndiredi. Kásiporynǵa Aqsý elektr stansasy, Ekibastudaǵy «Shyǵys» kómir kenishi jáne О́ndiristik jóndeý bólimshesi qaraıdy. Korporasıada 6 227 adam eńbek etýde.
Farıda Byqaı,
«Egemen Qazaqstan»
Ekibastuz
Sýretti túsirgen Elena Panıkarovskaıa