Úshinshi megapolıs - Shymkent qalasynyń aýmaǵy ulǵaıyp, jańa nysandar kóptep boı kóterýde. Qurylysy qarqyndy júrgizilip jatqan turǵyn úılerden bólek 2020 jyly aıaqtaý kózdelgen nysandar da kóp.
О́ıtkeni TMD elderiniń mádenı astanasy Shymkent bolyp belgilengen 2020 jyl Ońtústik óńiri úshin ári jaýapty, ári mańyzdy. Osy jáne basqa da jáıtter eskerile, qalanyń bas josparyna saı «Batys Eýropa -Batys Qytaı» halyqaralyq kólik dáliziniń boıynda táýligine 20 myń jolaýshy ótkizetin «Shymkent-2» jańa temirjol vokzaly salynbaq.
Sonymen birge júkti suryptaý stansııasy jáne úlken avtovokzal salynady dep josparlanýda. Jalpy alańy 16 gektardy quraıtyn jobada qonaq úı men ákimshilik ǵımarat, 1000 avtokólikke arnalǵan turaq qarastyrylǵan. «Baılanys joldaryn damytý ǵylymı-zertteý ınstıtýty» JShS-niń dırektory A.Orazbekov zamanaýı úlgide boı kóteretin qaladaǵy ekinshi temirjol jelisiniń tehnıkalyq qurylysy sıpatyn Ońtústik Qazaqstan oblysynyń ákimi Janseıit Túımebaevqa tanystyrdy. Jobada joǵary tehnologııalyq sıfrlyq ınfraqurylymdy engizý kózdelgen.
Oblys ákimi jobanyń áleýmettik mańyzy bar ekenin jáne jolaýshylarǵa qyzmet kórsetýdi jaqsartýǵa jáne týrısterdi aımaqqa tartýǵa múmkindik beretinin aıta kele, tıisti vedomstvo basshylaryna jumys tobyn qurýdy tapsyrdy. Qazirgi tańda joba respýblıkalyq memlekettik-jekeshelik áriptestik jobalaryn josparlaý algorıtmine sáıkes Qazaqstan Respýblıkasynyń ýákiletti memlekettik organdarymen jumys úılestirý satysynda tur.
Erkin DOSYMBAI,
Ońtústik Qazaqstan oblysy