О́skemende stýdentterdiń teleradıo kesheni ashyldy

Ýnıversıtet pen oblystyq «Altai» telearnasynyń birle­sýi nátıjesinde jumysyn bastaǵan keshenniń ashylý sal­tanatyna belgili abaı­ta­­ný­shy ǵalym Mekemtas Myr­­zahmetov, tanymal tele­júr­gizýshi Nurtileý Iman­ǵalıuly, oblys ákiminiń orynbasary Ásem Núsipova men oqý ornynyń rektory Muh­­tar Tólegen qatysty. «Shy­­­ǵys Qazaqstannyń jýrna­­­lıstıka mektebiniń ózindik qa­lyptasqan joly bar. Son­dyqtan bul stýdııa jas jýr­nalısterdiń teorııalyq bilimin tájirıbemen ushtastyryp, odan ári shyńdala túsýine úlken serpin beredi dep oılaımyz»,  dedi óziniń quttyqtaý sózinde Ásem Bekqyzy.

Belgili abaıtanýshy Me­kem­tas Myrzahmetov oblys ákiminiń orynbasarymen birge jańa stýdııanyń alǵashqy qonaǵy bolyp, jýr­nalısterdiń qoıǵan saýaldaryna jaýap berdi. «Bizdiń qazaq jýrnalısteri kóbine bir súrleýmen júrgendi jón kóredi. Sheteldiń jýr­na­lıs­teri jan-jaqty. О́zderiniń oılaryn da batyl jetkizip otyrady. Jas jýrnalıster ke­leshekte osy jaǵyn eskerse deımin», dedi ǵalym.

Stýdııanyń ashylǵanyna, ási­rese jýrnalıstıka bó­li­miniń stýdentteri erekshe qýa­nýly. «Osydan bir-eki aı buryn ýnıversıtetimizdiń rektory Muhtar Ádilbekuly stý­denttermen kezdeskende stýdııa ashý máselesin aıtqan edik. Bizdiń tilegimizdiń tez arada oryndalǵanyna qýa­nysh­tymyz», deıdi jýrnalıstıka bóliminiń 3-kýrs stý­denti Tasqyn Bolatuly.

Burynyraqta jýrnalıs­tıka bólimi stýdentterine dáris oqyǵan tájirıbeli jýr­­nalıster de ıgi iske oń ba­ǵalaryn berip, lebizderin jet­kizdi. «Bári birinshi bas­shyǵa baılanysty ǵoı. Jýr­nalıstıka bóliminiń biraz ýaqyt qaqpaqylǵa aınalǵan kez­deri de boldy. Bir basshy bólimdi jappaq boldy, birde fılologııa, birde fılosofııa fakýltetine qosyldy. Degenmen qazir ýnıversıtet basshylyǵy tarapynan bo­lashaq jýrnalısterge jaq­sy kóńil bólinip jatqan sekildi. Múmkin aldaǵy ýaqytta bó­limdi kafedraǵa aınaldyrý máselesin de oılastyryp kórý kerek shyǵar», dedi oblystyq «Dıdar» gazetiniń burynǵy bas redaktory, belgili jýrnalıst Aıtmuhamed Qasymov.

Azamat QASYM, «Egemen Qazaqstan»

О́SKEMEN